Bi-bi-si viadomyja imiony 10 500 zahinułych va Ukrainie rasijskich vajskoŭcaŭ
Na asnovie adkrytych krynic Bi-bi-si ŭdałosia ŭstanavić imiony bolš za 10 500 rasijskich vajskoŭcaŭ, jakija zahinuli na vajnie va Ukrainie. Siarod ich — 492 mabilizavanych.
Ź pieršaha dnia vajny Ruskaja słužba Bi-bi-si sumiesna z vydańniem «Miedyjazona» i kamandaj vałancioraŭ viadzie pajmienny śpis strat rasijskich vajskoŭcaŭ va Ukrainie.
Na 23 śniežnia ŭdałosia paćvierdzić infarmacyju pra 10 505 zahinułych sałdataŭ i aficeraŭ. Ale śpis moža ŭtrymlivać prynamsi na 40-60% mienš imionaŭ zahinułych, čym realna pachavana ŭ Rasii. Da takoj vysnovy žurnalisty pryjšli, kali vyvučali abstanoŭku na mohiłkach u bolš jak 60 rasijskich nasielenych punktach.
Takim čynam, pa najbolš kansiervatyŭnaj acency, straty rasijskaj armii i Rashvardyi va Ukrainie mohuć składać bolš za 21 tysiaču čałaviek.
Ahulnyja biezzvarotnyja straty Rasii (heta značyć, kolkaść tych, chto vybyŭ sa stroju z pryčyny ranieńnia, śmierci abo prapaŭ bieź viestak) mohuć składać prynamsi 95 500 čałaviek.
Hetaja ličba atrymana na asnovie nazirańniaŭ Centra vajenna-marskoha analizu ZŠA, zhodna ź jakimi na kožnaha zahinułaha rasijskaha vajskoŭca padčas vajny va Ukrainie prypadaje ŭ siarednim kala troch z pałovaj paranienych. U hetuju ličbu nie ŭvachodziać tyja, chto vajavaŭ na baku Rasii ŭ składzie «narodnych milicyj» Daniecka i Łuhanska.
Kamientary