Amierykanski repier i biznesmien Kańje Uest pryznaŭsia ŭ intervju z radyjoviadučym i kanśpirałoham Aleksam Džonsam na partale Infowars.com, što simpatyzuje Hitleru.
Džons abmiarkoŭvaŭ z Uestam i nacyjanalistam Nikam Fuentesam niadaŭniuju krytyku ŭ adras Kańje z-za antysiemickich vykazvańniaŭ, kamientaroŭ pra śmierć Džordža Fłojda i abranaj futbołcy z nadpisam «White Lives Matter».
U razmovie Džons zajaviŭ, što Uest «nie Hitler i nie nacyst», tak što jon nie zasłuhoŭvaje demanizacyi. Na što repier adkazaŭ: Što ž, ja baču dobraje i ŭ Hitlery taksama». «U kožnym čałavieku jość štości kaštoŭnaje, u asablivaści ŭ Hitlera», — dadaŭ jon.
Kanye on Alex Jones:
"Well, I see good things about Hitler also."pic.twitter.com/I969vqrhYP
Džons adreahavaŭ na vykazvańnie surazmoŭcy i adznačyŭ, što jamu nie padabajucca ni nacysty, ni Hitler. Uest ža pierapyniŭ jaho słovami: «Mnie padabajecca Hitler». Na dumku repiera, «habrejskija miedyja prymusili nas adčuvać, byccam nacysty i Hitler nikoli nie prapanoŭvali śvietu ničoha, što maje kaštoŭnaść».
«Jany rabili dobryja rečy taksama, nam treba pierastać pastajanna abražać nacystaŭ», — padkreśliŭ Uest.
U apošni čas Kańje Uest rehularna akazvajecca ŭ centry skandałaŭ. U pačatku kastryčnika jaho akaŭnt u Instagram zabłakavali za antysiemityzm u paviedamleńniach da repiera Diddy. Daŭni partnior muzyki Adidas zajaviŭ ab pierahladzie kantrakta ź im.
Gap, a taksama kanhłamierat Kering admovilisia ad supracoŭnictva z repieram. Heta zdaryłasia paśla taho, jak Uest prezientavaŭ na Paryžskim tydni mody futbołki brenda Yeezy sa słohanam «White Lives Matter», jaki tryvała źviazany z ultrapravymi i nieanacystami.
Akramia taho, u padkaście Drink Champs Kańje zajaviŭ, što Džordž Fłojd pamior ad pieradaziroŭki fientaniłu, a nie ad dziejańniaŭ palicejskaha. A paśla repier paskardziŭsia na «habrejskija ŚMI», jakija jaho nibyta zabłakavali. Maci dački Džordža Fłojda padała ŭ sud na Uesta. Suma kampiensacyi, jakuju jana patrabuje, — 250 młn dalaraŭ.
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika5
Kamientary
"
Toje, što ciapier biełym składaniej - heta viedajuć usie, chto žyvie ŭ mulcikalarovych krainach.
Cikava, štotciemnaskury K. Uest ab etam kaža, ale za heta zasłuhoŭvaje pašany.