Hramadstva1818

Zatrymali byłoha maderatara sietki «Kiroŭcy 97%», na jakoha nie mahli vyjści dva hady. Raspaviadajem, čaho jon nie ŭličyŭ

Videa z zatrymanym maładym čałaviekam źjaviłasia na kanale siłavikoŭ. Analizujem, jakija dokazy tam demanstrujuć i jakim čynam možna było b pasprabavać zaścierahčysia.

Alaksandr Pyka. Fota: sacsietki

Zatrymanaha kličuć Alaksandr Pyka, i jamu 32 hady. Jon ź Minska. U jahonych sacsietkach niama ničoha niezvyčajnaha — fota z vandrovak pa lasach dy zdymki razam z ulublonymi znakamitaściami.

Ale, vidać pa ŭsim, mužčyna byŭ adnym z udzielnikaŭ ruchu za svabodnyja vybary i kolišnim maderataram sietki «Kiroŭcy 97%». Heta paćviardžajecca skrynšotami ź jahonaha akaŭnta, jakija vykładajuć siłaviki. Ale jak na jaho vyjšli?

Chutčej za ŭsio — vypadkova. Abo da jaho pryjšli ź niejkaj inšaj nahody i pravieryli jahony telefon, abo praź źviestki ŭ inšych zatrymanych. Pierapiski jon nie vydalaŭ.

Toje, što mužčyna daŭno ŭžo nie datyčny da maderacyi kanała, paćviardžaje toj fakt, što «śviežych» skrynšotaŭ z adminki siłaviki nie publikujuć. Pryčym dahetul u Alaksandra zachoŭvałasia pierapiska navat z akaŭntam Morpheus, što naležaŭ Dźmitryju Sasnoŭskamu, jaki ŭdzielničaŭ u «zamachu» na Azaronka i jakomu niadaŭna zaprasili 20 hadoŭ źniavoleńnia.

Atrymlivajecca, jahony akaŭnt byŭ «na ałoŭku» jak minimum z momantu zatrymańnia Sasnoŭskaha, bolš za hod, i amal dva hady prajšło paśla aryštaŭ maderataraŭ «Kiroŭcaŭ 97%». Heta značyć, što šyfravaŭsia chłopiec niabłaha, ale niedastatkova.

Jak zaścierahčysia ad taho, kab vas nie znajšli praz šmat času?

Samaje važnaje tut toje, što čym bolš isnuje vaš akaŭnt, tym bolš śladoŭ vy pakidajecie, i heta niepaźbiežna (pra heta my pisali ŭ artykule pra telehram). Alaksandr hetaha nie ŭličyŭ. Chutčej za ŭsio, jaho nikoli b nie znajšli, kali b jon vydaliŭ svoj akaŭnt u telehramie, a paśla stvaryŭ novy na virtualny ci zamiežny numar.

I, viadoma, vydaliŭ ślady svajoj aktyŭnaści — fota i videamateryjały (hajd), sacsietki (instahram, inšyja sacsietki, łajki) i miesiendžary (hajd, vydaleńnie botaŭ u telehramie). Taksama nie chavaŭ doma ničoha z taho, što moža jaho vydać.

Siłaviki chočuć stvaryć iluziju svajoj usiomahutnaści, i heta, viadoma, nie tak. Ale pravał z ČKB (tut my raspaviadajem, što rabić, kali vy tudy pisali), kolišniaje ŭkaranieńnie ahienta ŭ «Rabočy ruch», pieryjadyčnyja aryšty administrataraŭ dvaravych čataŭ i nizavych inicyjatyŭ i inšyja rečy pakazvajuć, što nie varta ich niedaaceńvać.

Budźcie aściarožnyja i bieražycie siabie.

«Naša Niva» — bastyjon biełaruščyny

PADTRYMAĆ

Kamientary18

  • u nary ślady kary
    25.11.2022
    Aha. Na novy zamiežny virtualny numar. A dzie jaho uziać? A prapłacić jak? A pieravod hrošaj nie adsočać? A... Dyk dla hetaha treba admysłova ŭ Polšču jechać? A jaki servis nadziejny??? A to, pamiataju, vosieńniu 2020 pa telehram kanałach chadziŭ manuał, dzie kazali što kali kupić virtualny numar u rasiejcaŭ, to jany nie zdaduć. I ci to spasyłka ci to nazva servisu była.......
  • Džordž
    25.11.2022
    NN, dziakuju, dziakuju za nahadvańni. Nieabchodna, kab jak maha bolš ludziej heta viedała.
  • 99
    25.11.2022
    u nary ślady kary, chvatajet inoziemnych siervisov, postojannyj nomier 5-10-15 i vyšie baksov v miesiac, v zavisimosti ot strany. No smotrieť nado očień vnimatielno, u mnohich jeśli pokopať chvosty vładielciev idut v rašu. Pierievod s otiečiestviennoj karty - otślediat połučatiela, no nomier małovierojatno čto kto-to smožiet uznať, ili za kakuju konkrietno usłuhu, raźvie čto po summie sopostaviť. Ja by tožie nie stał takoj płatiež diełať. A voobŝie, jeśli k takim vašim płatiežnym opieracijam prismatrivajutsia, značit, užie jesť bolšije problemy. Kak viditie po novostiam, vsie iźviestnyje słučai proŝie - ili tielefon dosmotrieli, ili s druhoho konca pieriepiski vyšli, ili nie v tot bot soobŝienije čiełoviek posłał.

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Što aznačajuć sihnały Łukašenki Polščy i Ukrainie?15

Łamin Jamal vypadkova pakazaŭ na VIDEA svaich hołych kalehaŭ4

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?3

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

Jak vyhladaje čarha pa vadu ŭ Mazyry6

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →