Kijeŭskija ŭłady pierajmienavali bolš za 40 vulic, zavułkaŭ i płoščaŭ, nazvy jakich źviazanyja z Rasijaj i savieckim minułym. Adpaviednyja rašeńni pryniała Kijeŭskaja rada padčas pasiadžeńnia 27 kastryčnika, paviedamiŭ mer stalicy Vital Kličko.
Novyja nazvy dla vulic, zavułkaŭ, bulvaraŭ, praśpiektaŭ i płoščaŭ stalicy vybirali kijaŭlanie ŭ dadatku «Kijeŭ ličbavy».
Siarod inšych va ŭkrainskaj stalicy źjavilisia vulicy ŭ honar niadaŭna zahinułych abaroncaŭ Ukrainy: vajskoŭca Dzianisa Ancipava, fotakarespandenta Maksa Levina, akciora Paŭła Li, hienierała Siarhieja Kulčyckaha.
Akramia ŭkrainskich dziejačaŭ, ušanavanyja i niekatoryja zamiežnyja.
Siarod apošnich — naš hieroj Kastuś Kalinoŭski, u honar jakoha pierajmienavanaja vulica Astrachanskaja. Hetaja vulica znachodzicca ŭ Dniaproŭskim rajonie, u miascovaści Staraja Darnica.
Na rejtynhavaje elektronnaje hałasavańnie ŭ dadatku «Kijeŭ ličbavy» było vyniesiena 296 abjektaŭ, jakija adbirała ekśpiertnaja kamisija. Nazvy, što atrymali najbolšuju padtrymku kijaŭlan, byli pieradadzienyja ŭ siesijnuju zału Kijeŭskaj rady na hałasavańnie.
Akaŭnt Kabančuka ŭzłamali — ale ci biełaruskija śpiecsłužby?11
Kamientary