Francyja i Niamieččyna prosiać Sierbiju pryznać Kosava i prymirycca
Francyja i FRH zapatrabavali ad Białhrada ŭ samyja karotkija terminy «vyrašyć prablemu Kosava». Pra heta ŭ subotu, 10 vieraśnia, paviedamiŭ prezident Sierbii Alaksandar Vučyč, piša RBK.
Pavodle jaho słoŭ, patrabavańnie było vysunutaje pry padtrymcy ZŠA i Turcyi. «Jak jany [Francyja i FRH] skazali, vystupili za nieabchodnaść vyrašeńnia «kosaŭskaj prablemy» padčas vajny ŭ Jeŭropie», — zajaviŭ Vučyč u ramkach zvarotu da nacyi pa vynikach pasiadžeńnia Rady biaśpieki krainy, pryśviečanaha vynikam pieramovaŭ z delehacyjaj ź Jeŭrasajuza.
9 vieraśnia Sierbiju i Kosava naviedali daradca kanclera FRH Jens Pletnier, daradca prezidenta Francyi Emanuel Bon, a taksama śpiecpradstaŭnik Jeŭrasajuza pa Zachodnich Bałkanach Mirasłaŭ Łajčak. Jany mieli namier vyvučyć usie varyjanty prasoŭvańnia ŭ dyjałohu pamiž Biełhradam i Pryšcinaj. Delehacyja praviała sustreču z premjer-ministram niepryznanaha Kosava Albinam Kurci, paśla čaho adpravilisia ŭ Sierbiju dla pieramovaŭ z Vučyčam.
Prablemy rasijskich vojskaŭ va Ukrainie mohuć mieć nastupstvam. i źmieny ŭ inšych zonach upłyvu Rasii. Prydniastroŭje zastajecca zacisnutym miž Ukrainaj i Rumynijaj. Rasija taksama była vymušanaja pierakinuć vajskovuju techniku ź Siryi va Ukrainu, što robić režym Asada bolš uraźlivym. Izrail užo skarystaŭsia momantam, kab razbambić niebiaśpiečnyja vajskovyja abjekty tam.
Kamientary