U Minsku źjaviacca Japonski sad i pieršaja ŭ Biełarusi ekałaŭka
«Alivaryja», mižnarodnaja kampanija Remondis i vialiki haradski piknik Vulitsa Ezha abjadnajuć namahańni i stanuć pieršymi, chto prymie ŭdzieł u realizacyi novaj ekspazicyi «Japonski sad» u Bataničnym sadzie. Taksama na 20-m jubilejnym fiestyvali 3 vieraśnia źjavicca pieršaja ŭ Biełarusi «adkaznaja» ekałaŭka ź pierapracavanaha płastyka. Paźniej partniory dapamohuć taksama z pasadkaj raślin japonskaj fłory i adnaŭleńniem hazonaŭ, piša Blizko.by.
«Japonski sad» płanujecca zakłaści na placoŭcy pobač z aranžarejaj. Realizoŭvać prajekt buduć pastupova na praciahu hetaha i nastupnaha hoda, pryciahvajučy partnioraŭ.
Pieršym elemientam łakacyi stanie ekałahičnaja łaŭka ad «Alivaryi». Jaje śpiecyjalna dla prajekta vyrabiła adzinaja ŭ SND kampanija, jakaja śpiecyjalizujecca na vytvorčaści vyrabaŭ ź pierapracavanaj syraviny. Antyvandalnaja ekałaŭka važyć bolš za 100 kh, jana daŭhaviečnaja i moža być pierapracavanaja jašče nie adzin raz. Dla jaje vyrabu patrabujecca kala 3 tysiač PET-butelek.
«Alivaryja», jak śćviardžajecca, stanie pieršaj kampanijaj, jakaja ŭstaluje takoje parkavaje palimierkampazitnaje zbudavańnie ŭ Biełarusi, u składzie jakoha — vyklučna ekamateryjały biez dadańnia chimikataŭ. Dla vyrabu vykarystoŭvajucca palimiery, jakija prymianiajucca ŭ charčovaj pramysłovaści, i piasok.
Ustanoŭka ekałaŭki ad «Alivaryja» prezientujecca jak realny prykład taho, jak śmiećcie moža stać karysnym, a pravilnaje vykarystańnie adychodaŭ dapamahaje zachavać drevy i ačyścić asiarodździe ad płastyka.
Fiestyval Vulitsa Ezha, zakančvajučy letni siezon i sychodziačy na vakacyi, źbirajecca adnavić hazony ŭ Bataničnym sadzie: dla ich užo zakuplenaje nasieńnie dackaj travy, a dla bataničnaj ekspazicyi «Japonski sad» kamanda prajekta pieradaść Bataničnamu sadu sakuru.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ1
Kamientary
a taja šklanaja, na jakoj niemahčyma siadzieć, što - nie ŭ zalik?
ale kamu heta sapraŭdy cikava?
usie ž daŭno nie tut
nu ale prychilniku Mahamajeva i rašen vodka takoje moža padabacca kaniečnie. nie vapros)