CHAMAS pieradaŭ Izrailu śpis zakładnikaŭ, jakich pavinny vyzvalić siońnia. Izrail abviaściŭ spynieńnie ahniu
CHAMAS pieradaŭ śpis zakładnikaŭ, jakich płanuje vyzvalić siońnia. Heta try žančyny.

Jak piša The Times of Israel, CHAMAS pieradaŭ śpis zakładnikaŭ, jakich płanuje vyzvalić siońnia. Heta paranienaja Romi Hanin (24 hady), Emili Damary (28 hadoŭ) i Daron Štejnbrechier (31 hod).
Try hramadzianskija žančyny byli ŭziatyja ŭ zakładnicy 7 kastryčnika 2023 hoda padčas napadu CHAMAS, u vyniku jakoha kala 1200 čałaviek byli zabityja i 251 vykradzieny
Hanin była vykradziena ź fiestyvalu «Nova» 7 kastryčnika 2023 hoda, a Damary i Štejnbrechier byli vykradzieny sa svaich damoŭ u kibucy Kfar-Aza.
U kancylaryi premjer-ministra Izraila paćvierdzili, što atrymali śpis.
Spynieńnie ahniu ŭ siektary Haza ŭstupić u siłu ŭ 12:15 pa Minsku, zajaviła kancylaryja Nietańjachu paśla hetaha.
Pavodle pahadnieńnia ab pieramirji, CHAMAS abaviazany byŭ padać śpis zakładnikaŭ za 24 hadziny da ich vyzvaleńnia, ale nie zrabiŭ hetaha. U adkaz premjer-ministr Izraila Bińjamin Nietańjachu zajaviŭ, što praciahnie režym ahniu. U vyniku novych udaraŭ CACHAŁ pa siektary Haza, pa infarmacyi CHAMAS, zahinuli jak minimum 12 čałaviek.
CHAMAS patłumačyŭ adsutnaść śpisu techničnymi pryčynami.
U abmien na troch zakładnikaŭ Izrail pavinien adpuścić z turmaŭ 1890 paleścinskich źniavolenych.
Kamientary