Cieła biełarusa ŭ kryvi na kanapie znajšli ŭ kvatery ŭ Antalji (Turcyja). Jahonyja siabry zabili tryvohu, kali jon pierastaŭ vychodzić na suviaź, paviedamleńnie IHA zaŭvažyŭ reform.news.

54-hadovy Siarhiej Budnik pierastaŭ adkazvać svaim siabram u WhatsApp, a taksama žoncy, jakaja znachodziłasia nie ŭ Turcyi.
Uviečary 19 studzienia siabry pryjšli pravieryć jaho ŭ kvatery. Kali nichto nie adčyniŭ dźviery, jany ŭvajšli, vykarystoŭvajučy zapasny kluč, i vyjavili Siarhieja, jaki nieruchoma lažyć u kryvi na kanapie.
Siabry patelefanavali ŭ ekstranyja słužby. Na miesca prybyli miedyki i palicyja z adździeła, jaki zajmajecca zabojstvami. Jany kanstatavali śmierć mužčyny.
Apošni raz siabry bačylisia ź Siarhiejem 12 studzienia. Cieła zabrali ŭ morh Instytuta sudovaj miedycyny dla ŭstanaŭleńnia dakładnaj pryčyny śmierci.

Kamientary