«Źnios aharodžu i vylecieŭ na sustrečnuju pałasu ŭ łob taksi». Surjoznaja avaryja na staličnym praśpiekcie
Surjoznaja avaryja adbyłasia na staličnym praśpiekcie Puškina. Na miescy pracujuć jak minimum try mašyny chutkaj dapamohi. Adnym z udzielnikaŭ DTZ staŭ aŭtamabil taksi. Ruch na praśpiekcie zamarudnieny.

— Usio adbyłosia prosta na maich vačach prykładna ŭ 12:58. Aŭtamabil źnios aharodžu i vylecieŭ na sustrečnuju pałasu, prama ŭ łob taksi, — raspavioŭ čytač karespandentu Onlíner. — Kiroŭca aŭto sam vybraŭsia z mašyny, kiroŭcu taksi dapamahli vidavočcy vyjści, u apošniaha tvar byŭ u kryvi. Ale adrazu ŭ patoku spyniłasia chutkaja dapamoha i pačała akazvać jamu pieršuju dapamohu. U taksi na zadnim siadzieńni była dziaŭčyna, jana sama vyjšła z mašyny.



Jašče adzin vidavočca miarkuje, što ŭ avaryi ŭdzielničali try mašyny.
— Treci ŭdzielnik urezaŭsia ŭ zadniuju častku siniaha aŭto (nie taksi), z-za čaho jano vylecieła na sustrečnuju pałasu, dzie jechaŭ aŭtamabil taksi. Pašancavała: na śviatłafory stajaŭ ekipaž chutkaj, jaki adrazu ž paśla sutyknieńnia pačaŭ akazvać dapamohu. Jana, darečy, źjechała ź sirenaj.
DAI adznačaje: ruch pa praśpiekcie Puškina ŭ abodvuch napramkach zamarudnieny.
Kamientary