Pucin pavinšavaŭ Łukašenku z Vadochryščam i pažadaŭ pośpiechaŭ na vybarach
Prezident RF Uładzimir Pucin parazmaŭlaŭ pa telefonie z Alaksandram Łukašenkam, paviedamiła pres-słužba Kramla.

Jak havorycca ŭ paviedamleńni, Uładzimir Pucin «ciopła pavinšavaŭ» Alaksandra Łukašenku sa śviatam Vadochryšča Haspodniaha, pieradaŭ «samyja dobryja pažadańni z hetaj nahody ŭsim pravasłaŭnym» biełarusam, a taksama pažadaŭ Łukašenku pośpiechaŭ na majučych adbycca 26 studzienia 2025 hoda prezidenckich vybarach.
Vybary ŭ Biełarusi projduć u całkam začyščanaj palityčnaj prastory, va ŭmovach bieśpierapynnych masavych represij, jakija ŭ Biełarusi praciahvajucca z 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ ułady.
Pa słovach namieśnika načalnika Hałoŭnaha ŭpraŭleńnia pracesualnaha kantrolu Śledčaha kamiteta Alaksandra Žukava, było zafiksavana bolš za 22 500 «złačynstvaŭ ekstremisckaj skiravanaści», heta značyć, palityčnaha charaktaru. Pa mnohich z hetych kryminalnych spraŭ prachodziać šmatlikija fihuranty.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
Kamientary
Džochar Musajevič Dudajev