Franak Viačorka: Jeŭrapiejskija ministry nie buduć uvodzić vizavy ban suprać biełarusaŭ
Daradca Cichanoŭskaj Franak Viačorka ciapier znachodzicca na «Forumie dla Ukrainy», jaki prachodzić u Prazie z udziełam ministraŭ zamiežnych spraŭ ES, ukrainskaha ministra Kuleby i Viarchoŭnaha pradstaŭnika ES Žazepa Barela. Pavodle papiaredniaj infarmacyi, vizavy ban suprać biełarusaŭ nie budzie ŭviedzieny, paviedamlaje telehram-kanał Śviatłany Cichanoŭskaj.
«My hrukalisia — i nas pačuli: jeŭrapiejskija ministry nie buduć uvodzić vizavy ban suprać biełarusaŭ. My tłumačyli, čamu važna adroźnivać biełarusaŭ i režym Łukašenki. My kazali, što vizy — heta nie pra adpačynak, heta pra padtrymańnie suviaziaŭ, heta pra biaśpieku ludziej, heta pra stypiendyi i stažyroŭki ŭ rešcie rešt.
Dla biełarusaŭ vizy — heta nie raskoša, heta nieabchodnaść padtrymańnia hramadstva i abarony niezaležnaści.
Heta nie značyć, što situacyja nie moža pamianiacca: pakul Łukašenka pry ŭładzie i ź Biełarusi laciać rakiety, Jeŭrasajuz budzie razhladać abmiežavańni. Naša zadača — kab hetyja abmiežavańni tyčylisia Łukašenki i jaho atačeńnia, čynoŭnikaŭ i siłavikoŭ, prapahandystaŭ i prarežymnych aliharchaŭ.
My budziem pracavać nad indyvidualnym śpisam sankcyjaŭ. Ale my budziem zaŭždy suprać izalacyi Biełarusi.
Chaču padziakavać biełaruskaj dyjaspary, Paŭłu Łatušku i jaho kamandzie, pradstaŭnikam Abjadnanaha Kabinieta, žurnalistam, jakija zadavali pytańni, i ŭsim, chto vykazvaŭsia ciaham apošnich dzion suprać vizavaha banu», — skazaŭ daradca Cichanoŭskaj.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ1
Kamientary
Biełarusy što najmali na pracu? Płociać padatki?
Jaho abaviazak nie ŭpuścić na terytoryju ES asob jakich potym pryjdziecca šukać praz InterPol.
A Vaš hramadzianski abiaviazak - dać piendala asobam, za jakich Vy hałasili ŭ 2020 hodzie, kab jany znajšli čas adarvać svaju dupu, i pačali zajmacca prablemami biełaruskich padatkapłacielščykaŭ