«Chto choča vajavać, toj znachodzić mahčymaść». Były palitviazień Klukač dałučyŭsia da pałka «Pahonia»
Chutka chłopiec źbirajecca vypravicca va Ukrainu.
Eks-palitźniavoleny Cichan Klukač dałučyŭsia da dobraachvotnickaha pałka «Pahonia». Pra heta chłopiec raspavioŭ «Našaj Nivie».
Jak kaža Cichan, ciapier jon znachodzicca na trenirovačnaj bazie ŭ Polščy i chutka płanuje vypravicca va Ukrainu. Pryčynu svajho kroku Cichan tłumačyć tak:
«Vyrašyŭ dałučycca pa toj ža pryčynie, što kaliści sieŭ u turmu, a potym dałučyŭsia da pałka Kalinoŭskaha. Meta adna — svabodnaja Biełaruś. Ciapier baraćba z Rasijaj i Pucinym — heta šlach da pieramohi nad uzurpataram Łukašenkam. Jon nie maje nijakaj palityčnaj samastojnaści, jon — tolki «haŭlajtar» Pucina na terytoryi Biełarusi».
U kancy maja chłopiec źjechaŭ va Ukrainu, tady jon źbiraŭsia stać čalcom pałka Kastusia Kalinoŭskaha. Ale 7 červienia Cichan paviedamiŭ, što sychodzić z pałka praz asabisty kanflikt ź inšym jaho ŭdzielnikam. Unačy pry źmienie karavułu chłopiec vypadkova ździejśniŭ streł. U pakarańnie za heta jaho nadzieli ŭ broniekamizelku z nadpisam «Spytaj mianie, čamu ja ŭ broniku». Klukač paličyŭ takija miery dla siabie źnievažalnymi.
Cichan taksama padzialiŭsia pieršymi ŭražańniami ad «Pahoni». Jany ŭ jaho stanoŭčyja:
«Mahu skazać, što arhanizacyja tych ža trenirovak abo zabieśpiačeńnie ryštunkam znachodzicca na vielmi vysokim uzroŭni. Kali havaryć pra ludziej, jakich ja tut sustreŭ, to ŭsio heta našy biełarusy, jakija abrali šlach zbrojnaj baraćby i jakimi možna tolki zachaplacca. A maja baraćba tryvaje: chto choča vajavać, toj znachodzić mahčymaść».
«Naša Niva» — bastyjon biełaruščyny
PADTRYMAĆ«Spadziajusia, mianie prymuć u bataljon Kalinoŭskaha». 19-hadovy Cichan Klukač — pra katavańni palitviaźniaŭ i kachańnie, praniesienaje praz kraty
«Ja abiraju hodnaść». Były palitviazień Cichan Klukač syšoŭ z pałka Kalinoŭskaha
«Kamandzir pryznačyŭ jamu adekvatnaje pakarańnie». Połk Kalinoŭskaha prakamientavaŭ sychod Klukača
Alaksandr Łukašenka pacałavaŭ orden, uručany jamu Pucinym16
Kamientary
jon streliŭ "vypadkova" pa žyłym kvartale. a raptam u jakoha staroha ci małoha papaŭ? dy šče pakryŭdziłasia kisiejnaja baryšnia na vielmi miakkaje pakarańnie. chiba histeryčkam miesca na vajnie?
«Chto choča vajavać, toj znachodzić mahčymaść» - kaža jana. jość takaja paroda mužyčkoŭ, jakim aby pastralać. i lepš, kab pa-sapraŭdnamu - u žyvuju istotu - u źviera, u čałavieka... i niavažna, jakich pohladaŭ, jakoha vieravyznańnia (poła, uzrostu) budzie hety čałaviek...
u haračyja kropki zaŭsiody ściahvajecca niamała haračych hałoŭ... i daloka nie zaŭsiody z vysakarodnymi metami...
a što mienavita va ŭkrainskim kanflikcie kul-dur i inš. chapaje, jak nidzie, kažuć užo niekatoryja zachodnija dobraachvotniki, što prajšli praź Siryju, Irak...