U apošni čas u Hiermanii papularny juny «majstar danosaŭ» Nikłas Matei ź miastečka Hrefienchajnichien. Za hod chłopiec napisaŭ 4227 skarhaŭ na susiedziaŭ, čaściej za ŭsio za niapravilnuju parkoŭku. Ciapier ža chłopiec raskazaŭ, što dziakujučy papularnaści nibyta zarabiŭ užo bolš za 1 młn jeŭra, paviedamlaje Bild.
«U mianie i raniej było šmat hrošaj. Ale dziakujučy «majstru danosaŭ» ja zarabiŭ miljon», — śćviardžaje Nikłas.
Choć jaho krytykujuć u sacsietkach i na vulicach, u instahramie i tyktoku ŭ jaho bolš za 100 000 padpisčykaŭ. Jaho časta zaprašajuć na dyskateki, telešou i haradskija śviaty. Tam dziela fota ź im vystrojvajucca doŭhija čerhi. Za kožnaje vystupleńnie Nikłas biare kruhłuju sumu, časam navat bolš za 100 000 jeŭra.
Pry hetym junak adkryta pryznajecca ŭ nadzvyčajnaj skupaści. U pajezdkach jon biare tualetnuju papieru z hramadskich prybiralniaŭ, kab nie kuplać jaje samomu. Dziela ekanomii jon nie zavodzić siabroŭku i nie jeździć u adpačynak. Usie hrošy zachoŭvaje na aščadnym rachunku i nie choča ničoha viedać pra inviestycyjnyja stratehii.
«Kali sprava tyčycca maich hrošaj, ja nie ryzykuju. […] Ja sknara. Paraŭnańnie sa Skrudžam Makdakam darečnaje. Ja siabie ničym nie raduju. Praciahvaju treścisia nad kožnaj kapiejkaj. Hrošy dla mianie — samaja važnaja reč u śviecie», — skazaŭ jon.
Kamientary