Abvinavačvańnie zapytvała 16 hadoŭ. Sud paličyŭ źmiakčalnaj akaličnaściu stanoŭčuju charaktarystyku pa miescy pracy i žonku ź invalidnaściu.
2-hi Zachodni akruhovy vajskovy sud prysudziŭ da 12 hadoŭ kałonii strohaha režymu maskoŭskaha aktyvista Jaŭhiena Miščanku pavodle spravy ab udziele ŭ lehijonie «Svaboda Rasii» (zabaronieny ŭ Rasii jak terarystyčnaja arhanizacyja), piša Bi-bi-si.
Abvinavačvańnie zapytvała 16 hadoŭ kałonii. Sud paličyŭ źmiakčalnaj akaličnaściu stanoŭčuju charaktarystyku pa miescy pracy i žonku ź invalidnaściu.
Pavodle viersii śledstva, aktyvist «Niamcova mosta» (stychijny miemaryjał pamiaci Barysa Niamcova) źviazaŭsia ŭ telehramie ź nieŭstanoŭlenaj asobaj i paviedamiŭ, što choča ŭstupić u lehijon «Svaboda Rasii». Akramia taho, Miščanka prapanavaŭ svoj učastak u vioscy ŭ Smalenskaj vobłaści dla raźmiaščeńnia puskavych rakietnych ustanovak.
Śledstva śćviardžaje, što Miščanka taksama źbiraŭ infarmacyju ab rasijskich vajskovych abjektach i jeździŭ na vajskovy aeradrom u Kubincy, adpraŭlajučy videa «kurataru».
Abvinavačańnie davodziła vinu Miščanku zapisami razmovaŭ z palicejskim, jaki vydavaŭ siabie za jašče adnaho vałanciora «Niamcova mosta».
Miščanka pryznaŭ faktyčnyja abstaviny spravy, ale nie pryznaŭ vinu. Jon nazvaŭ kryminalnuju spravu palityčna matyvavanaj i zajaŭlaŭ, što «dokazy zdabytyja supraćzakonnym šlacham, a abvinavačvańnie nosić mierkavany charaktar».
Kamientary