Siłaviki zatrymlivali administratarku dvarovaha čata, jakaja viarnułasia ŭ Biełaruś z Polščy
Nabližany da siłavikoŭ telehram-kanał «apublikavaŭ videa z administratarkaj telehram-čata «Niomanskaja 76, 78, 80».
Na videa dziaŭčyna kaža, što pracuje ŭ Polščy administrataram internet-kramy, a taksama maderuje dvarovy čat. U roliku jana paviedamiła, što tam u 2020 hodzie publikavalisia «roznaha rodu paviedamleńni, nakiravanyja suprać dziejnaj ułady».
Sa słoŭ zatrymanaj, hetyja paviedamleńni vydalenyja, a novyja prachodziać maderacyju. Zaraz čat na 22 čałavieki vydaleny.
Aŭtary dopisu paviedamili, što dziaŭčyna znachodzicca na voli, piša «Miedyjazona».
Kamientary