Kino

Što pahladzieć. «Leśvica» — zachaplalnaja sudovaja drama z Kolinam Fiortam

5 maja na amierykanskim kanale NVO Max adbyłasia premjera mini-sieryjała «Leśvica» (The Staircase) z zornym Kolinam Fiortam. Film raspaviadaje pra sapraŭdnyja padziei 20-hadovaj daŭniny, kali ŭ ZŠA rasśledavali trahiedyju ŭ siamji viadomaha piśmieńnika Majkła Pietersana.

Usie kadry ź sieryjała: kinonews.ru

Z taho samaha času, jak Majkł Pietersan znajšoŭ svaju žonku ŭnizie leśvicy ŭ ich doma (ci šturchnuŭ jaje tudy), va ŭsich, chto viedaje hetuju historyju, zastavałasia adno pytańnie — heta zabojstva ci nie?

Častka kiniematahrafistaŭ schilałasia da hetaha mierkavańnia. Łaŭreat «Oskara», dakumientalist Žan-Ksavjer de Lestrad byŭ zaintryhavany idejaj prasačyć za čarhovaj mutnaj spravaj u amierykanskim sudzie i pačaŭ zdymać film pra padziei vakoł Pietersana raniej, čym u 2003 hodzie nad piśmieńnikam pačaŭsia praces, piša Wall Street Journal.

Uvahu Lestrada, jak i ŭvahu stvaralnika ciapierašniaj «Leśvicy», pryciahnuli adny i tyja ž momanty hetaj historyi — tyja, što nie majuć ničoha supolnaha z pravasudździem i, tym nie mienš, upłyvajuć na vyniki šmat jakich sudoŭ pa hučnych spravach. Heta palityka, aśviatleńnie spravy ŭ presie i piersanalii.

Znakamity Kolin Fiort, jaki zvyčajna hraje bolš pryjemnych piersanažaŭ, tut uvasablaje asobu, da jakoj ciažka adčuć pryjaznaść. Pietersan, jakoha jon nam pakazvaje, ehaistyčny i dvudušny, a na jaho pieraśled upłyvajuć dva faktary. Pieršy ź ich — biseksualnaść piśmieńnika, a druhi — toje, što za 20 hadoŭ da śmierci ciapierašniaj žonki Ketlin jon znajšoŭ inšuju žančynu ŭnizie inšaj leśvicy, i znoŭ jon byŭ apošnim, chto bačyŭ jaje žyvoj. Mahčyma, hetyja aśpiekty žyćcia Pietersana nijak nie źviazanyja sa śmierciu Ketlin, ale ž jany nie dadajuć jamu stanoŭčaści ŭ vačach suda.

Heta składanaja sprava, jakaja zasłuhoŭvaje ŭsich vaśmi sieryj sieryjała. Budźcie ŭpeŭnienyja — vam budzie nad čym pałamać hałavu. Nie tolki nad suplotami detektyŭnaj historyi, ale i nad vyhinami hienieałahičnaha dreva siamji Pietersanaŭ.

Hladzicie sami: padčas svajho pieršaha šlubu Pietersan žyŭ u Hiermanii, dzie jany ź minułaj žonkaj blizka siabravali z susiedziami i ich dočkami. Potym raptoŭna pamior baćka susiedskaha siamiejstva, a paźniej i jaho žonka — mierkavana, što ad anieŭryzmy, ale nasamreč jaje znajšli ŭnizie leśvicy z raźbitaj hałavoj paśla viačery ź Pietersanam. Paśla trahiedyi Pietersany, u jakich było dvoje ŭłasnych synoŭ, uziali da siabie dačok susiedziaŭ, ale potym chutka razyšlisia. Tady Majkł Pietersan zaviazaŭ adnosiny z Ketlin, u jakoj tady ŭžo było dzicia ad pieršaha šlubu.

Kolin Fiort i Toni Kalet (vykanaŭca roli Ketlin) prosta hienijalna hrajuć svaje roli zakachanych sužencaŭ, jakija mohuć nienavidzieć adzin adnaho. Nie mienš jakasna demanstruje siabie Kalen Mos u roli prakurora Džejmsa Chardzina i Parkier Poŭzi ŭ roli jaho asistentki Fredy Błek. Ale ž ich praca nie daje kančatkovaha adkazu na pytańnie pra toje, ci była historyja Ketlin Pietersan zabojstvam — napeŭna, hety adkaz kožny hladač musić šukać sam.

Rejtynhi na vialikich suśvietnych resursach:

IMDB —7,5/10,

Rotten Tomatoes — 94%.

Što pahladzieć. «Kulhavyja koni» — niezvyčajny brytanski sieryjał pra špijonaŭ-niaŭdačnikaŭ

Film tydnia: «Kamon Kamon». Kranalnaja čorna-biełaja drama z hienijalnym Chaakinam Fieniksam

Kamientary

U licei ŭ Breście ŭspyška kišačnaj infiekcyi — u balnicu trapili 14 dziaciej

U licei ŭ Breście ŭspyška kišačnaj infiekcyi — u balnicu trapili 14 dziaciej

Usie naviny →
Usie naviny

Jak «kašalok» Łukašenki Zajcaŭ zarablaje na prodažy luksavaha adzieńnia

Ułady Paŭnočnaj Karei pierastali vykarystoŭvać kalandar čučche2

U kramie zaŭvažyli biełaruskich rakaŭ amal za 90 rubloŭ. Čamu jany takija darahija?

U Hiermanii zhareła pažarnaja častka, jakuju adkryli ŭ studzieni. U joj nie było pažarnaj sihnalizacyi5

Sudziać hulca ŭ pokier, jaki ŭdzielničaŭ u čempijanacie Biełarusi — mierkavana, za padtrymku Ukrainy1

6000 dalaraŭ navaru za adnapakajoŭku ŭ starym domie. Try historyi, jak pradavali kvatery ŭ Minsku ŭ 2024 hodzie

Historyk Cimoch Akudovič razvažaje, jak pryciahvać ludziej da biełaruskaści i čym tut karysnyja ruskamoŭnyja prajekty12

Zialenski: Ukraina albo ŭstupić u NATA, albo budzie mieć jadziernuju zbroju22

Rasiju zapadozryli ŭ maštabnaj falsifikacyi ekanamičnaj statystyki10

bolš čytanych navin
bolš łajkanych navin

U licei ŭ Breście ŭspyška kišačnaj infiekcyi — u balnicu trapili 14 dziaciej

U licei ŭ Breście ŭspyška kišačnaj infiekcyi — u balnicu trapili 14 dziaciej

Hałoŭnaje
Usie naviny →