Ścianu na polska-biełaruskaj miažy paškodzili ŭ dvuch miescach z boku Biełarusi
Polskaja pamiežnaja słužba zajaviła, što ŭ ścianie, jakaja budujecca na miažy ź Biełaruśsiu, źjavilisia paškodžańni ź biełaruskaha boku, paviedamlaje Gazeta Wyborcza.
Pa słovach pres-sakratarki pahransłužby Polščy Hanny Michalskaj, nieviadomymi byli prapiłavanyja mietaličnyja elemienty kanstrukcyi ściany, a pobač znojdzieny dysk ad bałharki. A ŭ rajonie pamiežnaha pierachodu ŭ Kuźnicy pad ścianoj byli zroblenyja padkopy.
Polšča pačała budaŭnictva žaleznaj ściany na polska-biełaruskaj miažy paśla vostraj fazy mihracyjnaha kryzisu, arhanizavanaha režymam Alaksandra Łukašenki.
Kamientary