U Ńju-Jorku abvieściać nadzvyčajnaje stanovišča. Raspaŭsiudžvańnie karanavirusa dasiahnuła vialikich pamieraŭ
Hubiernatar Ńju-Jorka Keci Chokuł abviaściła pra ŭviadzieńnie nadzvyčajnaha stanovišča ŭ štacie da 15 studzienia 2022 hoda na fonie rostu kolkaści vypadkaŭ zaražeńnia COVID-19, paviedamlajecca ŭ aficyjnym ukazie, apublikavanym na sajcie hubiernatara.
U dakumiencie paviedamlajecca, što, uličvajučy raspaŭsiudžvańnie karanavirusa «z chutkaściu, niabačanaj u štacie z krasavika 2020 hoda», a taksama prymajučy pad uvahu aktyŭny rost kolkaści špitalizacyj, źviazanych z COVID-19, i patrebu ŭ skaardynavanym padychodzie da zabieśpiačeńnia źmiaščalnaści balnic, hubiernatar abviaściła nadzvyčajnaje stanovišča va ŭsim štacie Ńju-Jork.
Zhodna z ukazam, Departamient achovy zdaroŭja zmoža abmiažoŭvać akazańnie niesurjoznych i nieterminovych pracedur u balnicach, kab zabiaśpiečyć dastatkovuju kolkaść miescaŭ napiaredadni mahčymaha rostu kolkaści vypadkaŭ zachvorvańnia na kavid.
Pastanova pačnie dziejničać ź piatnicy, 3 śniežnia.
Prezident ZŠA Džo Bajden, u svaju čarhu, zajaviŭ ab nieabchodnaści admovicca ad intelektualnaj ułasnaści na vakcyny ŭ suviazi sa źjaŭleńniem u PAR novaha štama, jaki SAAZ pryznała niebiaśpiečnym dla ŭsiaho śvietu.
«Paviedamleńni ab novym štamie pakazvajuć, što pandemija nie spynicca, pakul nie budzie praviedzienaja hłabalnaja vakcynacyja», — cytuje Bajdena ahienctva Reuters. «Apošnija naviny kažuć ab nieabchodnaści najchutčejšaj admovy ad abarony pravoŭ karystalnikaŭ na vakcyny», — zajaviŭ jon.
Akramia hetaha, Bajden zajaviŭ, što ZŠA zabaroniać ujezd u krainu z vaśmi afrykanskich krain, u jakich paŭstała pahroza raspaŭsiudžvańnia novaha štama karonavirusa, jakomu SAAZ prysvoiła hrečaskuju litaru amikron (O). Heta — PAR, Batsvana, Zimbabve, Namibija, Lesota, Esvacini (były Svazilend), Mazambik i Małavi. Pry hetym zabarona nie tyčycca hramadzian ZŠA, jakija znachodziacca ŭ hetych dziaržavach.
Amikron. Zapomnicie hetaje słova, vy jaho budziecie čuć časta
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca5
Kamientary