Chakiery ŭzłamali elektronnuju poštu FBR i razasłali ź jaje 100 tysiač listoŭ
Sistema źniešniaj elektronnaj pošty FBR padvierhnułasia kibieratacy, paviedamiła ahienctva Bloomberg sa spasyłkaj na brytanskuju arhanizacyju Spamhaus, jakaja adsočvaje raspaŭsiudžvańnie spam-paviedamleńniaŭ.
U FBR paćvierdzili kibierataku, zajaviŭšy, što jana adbyłasia 13 listapada i była źviazanaja z rassyłańniem fejkavych listoŭ z elektronnaj pošty @ic.fbi.gov, piša meduza.io.
Hetaja elektronnaja pošta vykarystoŭvajecca dla kantaktaŭ z adrasatami za miežami FBR, pa joj nie adpraŭlajuć sakretnuju infarmacyju, zajavili ŭ Spamhaus.
Pavodle źviestak arhanizacyi, chakiery adpravili nie mienš za 100 tysiač fejkavych listoŭ. U ich utrymlivałasia papiaredžańnie ab kibieratacy na sistemy adrasata, a «krynicaj pahrozy» byŭ nazvany ekśpiert pa kibierbiaśpiecy Vini Troja, jaki ŭ 2020 hodzie pravioŭ rasśledavańnie ab chakierskaj hrupoŭcy The Dark Overlord.
U listach skazana, što jon sam źviazany z hetaj hrupoŭkaj. Listy nie ŭtrymlivali nijakich škodnasnych prahram. U Spamhaus miarkujuć, što metaj chakieraŭ było zhańbavać imia Troi abo ŭskładnić pracu FBR šmatlikimi zvankami ad ludziej, jakija atrymali listy.
Kamientary