Mer Minska zahadaŭ prybrać z najlepšych palic u kramach tavary z krain, jakija ŭviali sankcyi suprać Biełarusi
Staršynia Minskaha harvykankama Uładzimir Kucharaŭ padčas vyjaznoha pašyranaha pasiadžeńnia prezidyuma Savieta Respubliki aburyŭsia, što tavary z krain, jakija ŭviali suprać Biełarusi sankcyi, stajać u biełaruskich sietkavych kramach na najlepšych palicach. Jaho słovy pryvodzić sb.by.
Kiraŭnik staličnaha harvykankama paviedamiŭ, što 27 lipienia była praviedziena surjoznaja i žorstkaja narada z pradstaŭnikami handlovych sietak, jakija pracujuć u Minsku:
— I my adkryta im pastavili pytańnie: što adbyvajecca? Siońnia šerah krain uviali suprać nas sankcyi — Ukraina, Litva, Polšča, — a ich tavary (cukierki, zdoba, harbata, piačeńnie) stajać u kramach na najlepšych palicach! Pry hetym ajčynnyja treba jašče pašukać. Tamu my žorstka pastavili pierad sietkami pytańnie: ci situacyja mianiajecca, ci my budziem sa svajho boku prymać miery. Pryčym, miarkuju, takoje rašeńnie varta prymać na ŭzroŭni ŭsioj krainy.
Było ahučana patrabavańnie, kab na pieršym płanie ŭ vykładcy tavaraŭ była biełaruskaja pradukcyja, ale jano na hety dzień handlovymi sietkami nie vykanana.
Kamientary