U minskaj Sierabrancy mužčynu zatrymali ŭ kvatery. Pravaabaroncy paviedamlajuć, što ŭnutr puścili haz, ale milicyja heta abviarhaje
Vałanciory-pravaabaroncy śćviardžajuć, što 19 červienia milicyja pryjšła ŭ kvateru siamji Skarha praz nalepki z vyjavaj «Pahoni» na aknie. Doma znachodziŭsia baćka Aleh Skarha. Kab prymusić jaho adčynić dźviery, siłaviki nibyta vykrucili dźviarnoje vočka i puścili ŭ pamiaškańnie haz, pišuć pravaabaroncy.
Paźniej u RUUS nibyta była zatrymanaja jahonaja žonka Śviatłana, jakaja pryjechała daviedacca, što zdaryłasia ź jaje mužam, a zatym i dačka Jana, ź jakoj milicyjaniery źviazalisia praz telefon. 20 červienia byŭ zatrymany znajomy Jany Andrej Jaroškin, jaki pryjšoŭ na sustreču dla pieradačy telefona.
U vyniku Andreju Jaroškinu prysudzili 15 sutak aryštu, papiarednie — za źjaŭleńnie ŭ hramadskim miescy ŭ stanie ałkaholnaha apjanieńnia. Aleh Skarha atrymaŭ 25 sutak aryštu za «masavaje mierapryjemstva» i niepadparadkavańnie. Pavodle infarmacyi vałancioraŭ, astatnija členy siamji Skarha ŭžo na voli.
Staličnaja milicyja paćvierdziła zatrymańnie Aleha i Andreja, a Śviatłanu i Janu nie zatrymlivali. Infarmacyju ab prymianieńni hazu milicyja abviarhaje.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary