Hienprakuratura Rasii pryznała niepažadanaj arhanizacyjaj telekanał «Biełsat».
Telekanał, ličać u viedamstvie, pakazvaŭ «chłuślivyja siužety ab nieabhruntavanaj ahresii suprać Ukrainy, nielehitymnaści ŭvachodžańnia ŭ skład Rasii Kryma, DNR, ŁNR, častak Zaparožskaj i Chiersonskaj abłaściej».
Pad terminam «niepažadanaja arhanizacyja» ŭ Rasii majecca na ŭvazie zamiežnaja ci mižnarodnaja niaŭradavaja arhanizacyja, dziejnaść jakoj moža ŭjaŭlać pahrozu asnovam kanstytucyjnaha ładu Rasijskaj Fiederacyi, abaranazdolnaści krainy abo biaśpieki dziaržavy. Niepažadanym arhanizacyjam zabaroniena vieści dziejnaść na terytoryi RF, za parušeńnie hetaj zabarony praduhledžany administracyjnyja i kryminalnyja miery pakarańnia.
U Biełarusi kanał jašče ŭ 2021 hodzie pryznali ekstremisckim farmavańniem, a ŭčora stała viadoma pra kryminalnyja spravy suprać aŭtaraŭ i haściej tok-šou «Płan B».
Niekalki žurnalistaŭ «Biełsata» znachodziacca za kratami.
Kamientary