Biełaruś sprahnazavała vajenny kanflikt u susiedniaj Ukrainie za dva hady da pačatku padziej. Pra heta zajaviŭ u intervju vydańniu «SB. Biełaruś siehodnia» namieśnik načalnika Hienštaba Uzbrojenych sił Pavieł Muraviejka.
Jon raspavioŭ, što płan abarony Biełarusi, zaćvierdžany prezidentam Alaksandram Łukašenkam u kancy 2019 hoda, nakiravany nie na kłasičnuju abaronu, a na praduchileńnie mahčymaj ahresii i vajny.
«Skažam, tyja padziei, jakija adbylisia ŭ susiedniaj Ukrainie, my sprahnazavali i acanili za dva hady da ich pačatku, — adznačyŭ Muraviejka. — Acaniŭšy, adkul moža zychodzić pahroza, my sprabujem minimizavać jaje na rańniaj stadyi».
Pry raspracoŭcy płana abarony i kancepcyi raźvićcia Uzbrojenych sił da 2030 hoda analizavałasia vajenna-palityčnaje stanovišča vakoł Biełarusi i ŭ astatnim śviecie, «pośpiechi i niaŭdačy va ŭzbrojenych kanfliktach va Ukrainie, Siryi i inšych krainach».
Łukašenka zaprasiŭ u Biełaruś słavackaha premjera Ficu2
Kamientary