Aleh Makaraŭ raskazaŭ, čym zajmajecca dziaržaŭny Instytut stratehičnych daśledavańniaŭ
U kułuarach Minskaha dyjałoha karespandent «Našaj Nivy» pahavaryŭ z dyrektaram Biełaruskaha Instytuta stratehičnych daśledavańniaŭ Aleham Makaravym.
Čytajcie taksama:
Łukašenka likvidavaŭ Infarmacyjna-analityčny centr pry Administracyi prezidenta
Kiraŭnik navastvoranaha BISDa Aleh Makaraŭ: Sacsietkami nie karystaŭsia. Ale ciapier, viadoma, budu
My spytalisia ŭ spadara Makarava, čym kankretna zajmajecca BISD i jakija ŭ jaho pośpiechi.
«My pracujem vielmi plonna, za paŭhoda dasiahnuli šmat, vyvučajem pytańni ŭnutranaj i źniešniaj palityki. Ciapier u nas pieryjad stanaŭleńnia, ustaloŭvajem kantakty z zamiežnymi partniorami: byli va Uźbiekistanie, ZŠA, Ukrainie, u šerahu inšych krain. Znajomimsia z tamtejšymi fabrykami dumak, kab razumieć ich stratehii i dzialicca svaim razumieńniem», — skazaŭ Makaraŭ i dadaŭ, što skład supracoŭnikaŭ amal sfarmiravali.
«My pravodzim takuju hłybokuju analityku, a vyniki daśledavańniaŭ pieradajom i kiraŭniku krainy, i ŭ Administracyju prezidenta, i inšym viedamstvam i ministerstvam. Voś, udzielničajem u publičnych mierapryjemstvach, u nas praktyčna hatovy sajt i chutka pačniom danosić svaju pazicyju i ŭ ŚMI, usie ŭbačać našuju rabotu i vyniki», — dadaŭ jon.
My zaŭvažyli, što ŭ kamientaryjach na «Našaj Nivie» BISD mocna krytykujuć tamu, što tudy ŭ jakaści zaprošanych śpiecyjalistaŭ zaprašajuć tolki supracoŭnikaŭ dziaržaŭnych kanałaŭ.
«A kolki supracoŭnikaŭ Tut.by, Našaj Nivy ci Anłajniera vy zaprasili dla kansultacyj u BISD?» — spytalisia my.
«Pamiataju, što z Tut.by havaryli, abmianialisia vizitoŭkami, ale na hetym sprava skončyłasia i dalej nie pajšło, detalaŭ nie pamiataju. My adkrytyja», — adkazaŭ Makaraŭ.
Aficer-pahraničnik, jaki prajšoŭ praz turmu, raskazvaje pra žyćcio «da» i «paśla» dyj nie škaduje słoŭ pahardy dla amapaŭcaŭ3
Kamientary