Łukašenka pra ŭdzieł Savinych u vybarach: Kali abiaruć, budzie nie horš
Alaksandr Łukašenka, pryznačajučy siońnia novych pasłoŭ Biełarusi za miažoj, zhadaŭ pra žadańnie ŭžo byłoha pasła Biełarusi ŭ Turcyi Andreja Savinych vyłučyć svaju kandydaturu na parłamienckich vybarach, pieradaje BiełTA.
«Savinych vyrašyŭ paŭdzielničać u vybarach. Viadoma, heta dobra, padrychtavany čałaviek. Dypłamaty pavinny być u parłamiencie. Tym bolš arhanizoŭvać treba budzie dypłamatyčnuju pracu. A kali nie vybieruć, my bačym jaho dzieści?» — pacikaviŭsia kiraŭnik dziaržavy ŭ ministra zamiežnych spraŭ Uładzimira Makieja.
Ministr u svaju čarhu adznačyŭ, što dla jaho rašeńnie Andreja Savinych iści na vybary ŭ parłamient było dosyć niečakanym: «Heta jaho inicyjatyŭnaja prapanova. Ja skazaŭ: kali łaska, vaša vola. Ale ja jaho bačyŭ na pasadzie adnaho ź viadučych hałoŭnych upraŭleńniaŭ MZS».
«Heta značyć jon nie źniknie?» — udakładniŭ Alaksandr Łukašenka.
«Nie. Vidać, što jon nie straciŭ cikavaść, jak u niekatorych, praz peŭny čas znachodžańnia na toj ci inšaj pasadzie. Jon pastajanna cikavicca, šukaje niešta novaje, novyja padychody», — adkazaŭ Uładzimir Makiej.
«Kali abiaruć, heta budzie nie horš. U parłamiencie patrebny čałaviek, ź jakim MZS pavinna pastajanna być u kantakcie. U nas ža tam i kamisija jość (profilnaja)», — adznačyŭ kiraŭnik dziaržavy.
«My ź im razmaŭlali. Jon maje vielmi cikavyja idei i jak pavysić ŭzrovień parłamienta tut, i jak pracavać bolš šyroka na mižnarodnaj arenie. Ja dumaju, što, kali abiaruć, heta budzie vielmi dobraja apora i dla MZS», — skazaŭ Uładzimir Makiej.
Dypłamat Andrej Savinych, jaki idzie na vybary: Ja — patryjot, ale dakładna nie libierał
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary