Pad Brestam dzieci łavili rakaŭ, a vyciahnuli hranatu. I pavieźli dachaty
U dziažurnuju častku Bresckaha RAUS pastupiŭ zvanok ad bieraściejca, jaki raskazaŭ pra znachodku hranaty, paviedamlaje abłasnaja milicyja.
Jak rastłumačyŭ mužčyna, hranatu jon zabraŭ u chłopčykaŭ, jakich padvoziŭ u Brest. Pa darozie chłopcy raspaviali kiroŭcu, što padčas łoŭli rakaŭ na voziery Miednaje adzin ź ich natknuŭsia na mietaličny pradmiet i vyrašyŭ jaho dastać z vady. U rukach dziciaci apynułasia hranata časoŭ vajny, pavierchnia jakoj była pakryta ržoj.
Znojdzieny «suvienir» razam z ułovam rakaŭ chłopčyki vyrašyli zabrać dadomu.
Jak tolki mužčyna daviedaŭsia ad dziaciej, što ŭ jaho ŭ sałonie aŭtamabila znachodzicca hranata, spyniŭ mašynu, zabraŭ niebiaśpiečnuju znachodku i adnios jaje ŭ les na biaśpiečnuju adlehłaść, a potym paviedamiŭ u milicyju.
Hranata źniščana sapiorna-piratechničnaj hrupaj v/č 5526.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary