Iznoŭ chapun u Maskvie: 500 zatrymanych na mitynhu «Dapuskaj» z patrabavańniem rehistracyi apazicyjnych kandydataŭ

Pa stanie na 16.25 u Maskvie zatrymali, jak minimum, 435 čałaviek, piša Mieduza sa spasyłkaj na OVD-info. 

Pytajutsia pieriekryť prochod po Tvierskoj pic.twitter.com/60SDJdZKMt

— Jekatierina Maksimovna (@e_osovskaya) 27 ijula 2019 h.

Nie ŭzhodnienaja ŭładami akcyja za dopusk da vybaraŭ u Maskoŭskuju hardumu niezaležnych kandydataŭ, jakich vybarkam raniej adchiliŭ ad udziełu, pačałasia kala 14.00 na Ćviarskoj vulicy kala meryi. Pratestoŭcy prarvali ačapleńnie ŭ rajonie pierasiačeńnia Ćviarskoj vulicy ź Ćviarskim i Strasnym bulvarami i vyjšli na prajeznuju častku.

Žiestkoje zadieržanije. pic.twitter.com/2lb3TCncLp

— Jekatierina Maksimovna (@e_osovskaya) 27 ijula 2019 h.

Častku pratestoŭcaŭ palicyja vycisnuła ź Ćviarskoj vulicy ŭ zavułki. Miascovyja žychary narakaje, što ich nie prapuskajuć da ich damoŭ pa ačeplenaj Ćviarskoj i zavułkach.

V Briusovom u omona OTOBRALI DUBINKU. Policiju zakidyvajut sałfietkami i płastikovymi butyłkami.https://t.co/TM3TLO4FFl

— Jehor Maksimov (@egor_mq) 27 ijula 2019 h.

Akcyja prachodzić bieź lidaraŭ apazicyi — da pačatku mierapryjemstva bolšaść ź ich byli zatrymanyja. Siarod ich — antykarupcyjny błohier Alaksiej Navalny, prezident Fondu baraćby z karupcyjaj Ivan Ždanaŭ, nie dapuščanyja da ŭdziełu ŭ vybarach kandydaty Dźmitryj Hudkoŭ, Julija Halamina, Ilja Jašyn, Alaksandr Sałaŭjoŭ i Luboŭ Sobal.

Maskoŭski harvybarkam patłumačyŭ admovu rehistravać kandydataŭ apazicyi na vybarach u hardumu pieravyšeńniem dapuščalnaha ŭzroŭniu niesapraŭdnych podpisaŭ i inšymi parušeńniami.

Ad nie dapuščanych da vybaraŭ udzielnikaŭ u Masharsud było padadziena 29 pazovaŭ, u jakich kandydaty asprečvajuć rašeńni akruhovych vybarčych kamisij i Masharvybarkama.

U Rasii ŭładu kantraluje hrupiroŭka Uładzimira Pucina. Partyja ŭłady nazyvajecca «Adzinaja Rasija». Svabodna dziejničajuć taksama niekalki psieŭdaapazicyjnych partyj — kamunisty, libierał-demakraty, «Spraviadlivaja Rasija» dy inšyja, jakija, adnak, nie kidajuć vykliku režymu. Sistema nahadvaje tuju, jakaja isnavała ŭ HDR, kali rezidentam savieckaj śpiecsłužby tam byŭ Uładzimir Pucin. Mnohija realnyja apanienty jaho ŭłady byli zabityja, jak Barys Niamcoŭ, vycisnutyja za miažu, jak Chadarkoŭski, abo kryminalna pieraśledavanyja, jak Navalny.

• 0
• 0
• 0
• 0
• 0
• 0