Alaksandr Łukašenka pryniaŭ siońnia z dakładam kiraŭnika Administracyi prezidenta Natallu Kačanavu, piša BiełTA.
Kiraŭnik dziaržavy adznačyŭ, što apošnim časam u chodzie praviedzienych mierapryjemstvaŭ abmiarkoŭvalisia samyja roznyja temy, prymalisia rašeńni. U tym liku pa vynikach «Vialikaj razmovy z prezidentam» — sustrečy z pradstaŭnikami ekśpiertnaj supolnaści i ŚMI, pasiadžeńnia Rady biaśpieki, na jakim abmiarkoŭvaŭsia prajekt Kancepcyi infarmacyjnaj biaśpieki Biełarusi, tematyčnych narad. «Pa mnohich pytańniach ekanamičnaha charaktaru vyznačylisia, intehracyjnyja pracesy razhladali - adnosiny z Rasijaj, Jeŭrasajuzam, u JEAES, ADKB i hetak dalej. Pryniaty važnyja rašeńni», — skazaŭ Alaksandr Łukašenka.
«Usio, pra što my havaryli, što abmiarkoŭvali publična i niepublična, pavinna być realizavana», — padkreśliŭ biełaruski kiraŭnik.
Alaksandr Łukašenka taksama stanoŭča acaniŭ toj fakt, što da adpaviednych prablemnych pytańniaŭ ad hramadzian źviartajucca i ŭ ŚMI: «Toje, što na telebačańni (i ŭ vynikovych prahramach) pieryjadyčna źviartajucca da hetych pytańniaŭ, pačynajučy ad patreb ludziej, budaŭnictva žylla i zakančvajučy darohami, heta pravilna. Treba ŭziać pad kantrol usie hetyja pytańni i strasianuć ŭsiu krainu, adreahavaŭšy na prośby i zapyty ludziej. Pytańnie kateharyčna važnaje!»
Łukašenka pacikaviŭsia i chodam padrychtoŭki Pasłańnia biełaruskamu narodu i Nacyjanalnamu schodu, nazvaŭšy heta samaj važnaj padziejaj viasny. «My dastatkova hłyboka ŭ temie, navat da drobiaziaŭ. Tamu treba prapanoŭvać užo varyjant, kab ja moh pracavać dalej nad hetym pasłańniem, nie adkładajučy na doŭhi čas», - skazaŭ jon.
Kiraŭnik dziaržavy zhadaŭ i budučyja elektaralnyja kampanii, padkreśliŭšy, što nastupnyja dva hady nie pavinny ŭvieści krainu ŭ niejkija ŭzrušeńni, a sami vybary, i adny, i druhija, pavinny prajści jak śviata.
«Ale da hetaha treba padrychtavacca. U CVK usiaho ničoha čałaviek. Tamu heta laža na plečy ŭłady, a tut, naviersie, — Administracyi prezidenta. Urad na hetyja pytańni adciahvać ni ŭ jakim razie nielha. Niachaj zajmajecca ekanomikaj. Heta hałoŭnaje. Nie treba hetaha chavać, my pavinny rychtavacca da vybaraŭ i prezidenckich, i parłamienckich», - skazaŭ Alaksandr Łukašenka.
Kamientary