Pieramovy pa pahadnieńni ab spraščeńni vizavaha režymu pamiž Biełaruśsiu i Jeŭrasajuzam upirajucca ŭ kolkaść konsułaŭ pry pasolstvach. Pra heta ŭ intervju Tut.by raspavioŭ pasoł Polščy ŭ Biełarusi Artur Michalski.
— Pahadnieńnie ab spraščeńni vizavaha režymu, jakoje abodva baki ličać važnym instrumientam, pryviadzie da rostu kolkaści žadajučych atrymać vizy, nam spatrebicca bolš konsułaŭ, i my dumali, što ŭ hetym pytańni znojdziem razumieńnie ź biełaruskaha boku, ale niečakana źjavilisia prablemy, — raspavioŭ Artur Michalski.
Nahadajem, na dniach kiraŭnik MZS Biełarusi Uładzimir Makiej zajaviŭ, što ŭ pieramovach, jakija viaducca Biełaruśsiu ź Jeŭrapiejskim sajuzam z nahody pahadnieńniaŭ ab readmisii i ablahčeńni vizavaha režymu pastajanna ŭźnikajuć «niejkija novyja momanty».
Kamientary