«Havoryć Skrypleŭ»: daišnik z Vałožyna ŭspaminaje ajca Uładzisłava Čarniaŭskaha
Vasil Hryń žyvie na chutary Skrypleŭ u Vałožynskim rajonie. Jahonaja ahrasiadziba «Zaścienak Skrypleŭ» prymaje turystaŭ. A Vasil zapisvaje (na dyjalekcie) razmovy haściej ź Minska i Maskvy. a taksama svaje razmovy z žycharami Skrypleva i susiedniaj vioski Harodźki.
Śvietłaj pamiaci ajca Uładzisłava Čarniaŭskaha ź Višnieva. Uspaminy vałožynskaha daišnika
— Ja pomniu jaho! tutyka ž pry savietach ci chacia papa sa śviečkaju ci nojdziš… a vot jon… jon usich — i chto ruskaj viery, i chto polskaj — usich i chryściŭ, i adpaviaŭ… i što inciaresna!!! što ŭsio pa-našamu… pa-biełaruskamu ŭsio havora i kaža… niejak… staju na pastu na Šarajach… zima… u heny post uskočyš jak sabaka… maroz, chalera zabiraj! brat ty moj… i vot ichnaja delehacyja lacić, i chłop! — la pasta roŭna ŭ ich u mašyni salarka zamierzła… i vot u nas poŭnaja budka — kala henaj buržujki… my — mianty, pastavyja z aŭtamatami, i ksiandzy… dyk jany boli pa-polskamu pšek-pšek… a hety pa-prostamu-… i da mianie davaj — vot ty ŭ Boha vieryš ci nie vieryš… ja — chto jaho znaja… nas ža ŭ savieckich škołach nie vučyli, jak z papami razhavaryvać… a ja toka z armii, i ŭ milicyju naniaŭsia… chto ja… u mianie dzieŭki dy huli ŭ hałavie… a jon jak irža da žaleza… ujeŭsia… i davaj mnie raskazyvać tak — ksiondz! pra Darvina, pra Marksa, pra Lenina — što Boha niama! ja i kažu — niama!.. a paśla davaj mnie raskazyvać tak, što vot… nie pavieryš… tak kazaŭ… što nie pierakažu… ale tak kazaŭ, a potym budzia pytać, ci jo Boh? — Ja - jość! a jon mnie — bałvan! Vieryć treba!… Tak jon mianie mutuziŭšy byŭ, pakul pa ich druhaja mašyna nie pryjšoŭšy… Ja musia tady ź miesiac ni ad koha nijakich levych hrošaŭ ni braŭ! Vo jaki čałaviek byŭ! heta byŭ, ja ščytaju. najkapitalny čałaviek! A ja, hrešnik… nalivaj… heta byli 90-ja hody… usio rassypałasia i raskidałasia, nichto nie znaŭ, što budzia zaŭtra, što rabić… a jon… jon… nie bajaŭsia! Vot jaki byŭ śvietły čałaviek!
«Naša Niva» — bastyjon biełaruščyny
PADTRYMAĆTaćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii26
Kamientary