Šaścihadovaja Kara Lusi O'Konar ź Irłandyi paprasiła ŭ NASA viarnuć Płutonu status płaniety, paviedamlaje The Washington Post.
List u kaśmičnuju arhanizacyju napisała nastaŭnica dziaŭčynki pad jaje dyktoŭku. U svaim pasłańni Kara paskardziłasia na rašeńnie astranomaŭ pazbavić Płutona svajho statusu. Dziaŭčynka raspaviała, što jana choča stać astranaŭtam i naviedać usie płaniety našaj Soniečnaj sistemy, u tym liku Płuton. Tamu jana choča, kab jaho znoŭ ŭnieśli ŭ śpis płaniet. Taksama Kara maryć sama adkryć jakoje-niebudź niabiesnaje cieła.
Vykanać prośbu dziaŭčynki ŭ arhanizacyi, viadoma ž, nie zmahli, ale adpravili joj svoj adkaz, u jakim adznačyli, što praciahvajuć daśledavać Płuton. Kare pažadali dobra skončyć adukacyjnyja ŭstanovy i kali-niebudź pryjści pracavać u NASA, kab adkryć ułasnuju płanietu.
Aŭtarka lista pryznałasia, što była vielmi rada atrymać adkaz i «skakała da stoli ad radaści».
Płuton pazbavili statusu płaniety rašeńniem Mižnarodnaha astranamičnaha sajuza 24 žniŭnia 2006 hoda. Niahledziačy na toje, što jon krucicca vakoł Sonca i maje dastatkovuju masu, pobač ź im majucca abjekty z supastaŭnaj masaj i pamierami, tamu navukoŭcy nazvali jaho karlikavaj płanietaj.
Kamientary