U pustyni znojdzienyja try vidy nieviadomych navucy žabaŭ FOTA
Navukoŭcy z Univiersiteta Nievady ŭ Ryna vyjavili ŭ Vialikim basiejnie na terytoryi Nievady try novyja vidy žab. Daśledavańnie apublikavana ŭ Zootaxa.
«My vyjavili žab ŭ nievialikim vilhotnym miescy, akružanym pustyniaj. Hetyja amfibii apynulisia całkam izalavanymi ad inšych papulacyj», — paviedamiŭ aŭtar daśledavańnia Dzik Trejsi.
Daŭžynia amfibij składaje ŭsiaho piać santymietraŭ. Kožnaja ź ich vałodaje ŭnikalnymi fizičnymi asablivaściami, jakija adroźnivajuć ich adnu ad adnoj, a taksama ad inšych žabaŭ u rehijonie. Da taho ž, dadzienyja analizu DNK paćvierdzili, što navukoŭcy znajšli mienavita try roznyja i nieviadomyja raniej vidy.
«Žaba z Dyksi-Veli aliŭkavaha koleru z załatymi plamami. Jaje možna sustreć tolki ŭ hetym izalavanym bałocie płoščaj mienš za 6 km² i akružanym davoli zasušlivaj miascovaściu», — adznačyŭ Trejsi.
Žabu z Rejłrod-Veli znajšli ŭ basiejnie Tanopa ŭ centralnaj pustyni Nievady, a žabu z Chot-Kryk vyjavili na 56 km dalej, u adnajmiennym hornym chrybcie.
Kamientary