Šunievič adkryŭ u Minsku pomnik carskamu palicejskamu z sabačkam FOTA
2 sakavika, za dva dni da 100-hodździa biełaruskaj milicyi, ministr unutranych spraŭ Ihar Šunievič adkryŭ u Minsku pomnik carskamu palicejskamu z sabačkam. Cyrymonija prajšła na vulicy Haradski Vał pobač z muziejem centra kulturna-vychavaŭčaj pracy MUS.
Šunievič zajaviŭ, što vobraz haradavoha zborny. «Ja liču, što heta vielmi simvaličnaja fihura, — cytuje słovy ministra pres-słužba MUS. — Jana ŭvasablaje saboj paradak i spakoj na vulicach horada, toje, što siońnia zabiaśpiečvaje Ministerstva ŭnutranych spraŭ, i toje, što źjaŭlajecca vizitnaj kartkaj našaha viedamstva i našaj dziaržavy».
Va ŭračystaści paŭdzielničali ministr kultury Barys Śviatłoŭ i staršynia Minharvykankama Andrej Šorac. Apošni adznačyŭ, što novy «kulturny abjekt» atrymaje status znakavaha i «budzie ŭpryhožvać stalicu».
Kamientary