U Biarozaŭskim rajonie raspačataja kryminalnaja sprava ŭ dačynieńni da 24-hadovaha mužčyny, jaki nackavaŭ darosłaha ratviejlera na susiedku.
22 maja kala 17.30 u vioscy Ździtava pjany małady čałaviek sa svaim sabakam zajšoŭ u dvor da susiedki z prapanovaj zładzić ź jaje sabakam boj. Haspadynia stała vyhaniać hościa i skazała, što kali jon nie sydzie, jana vykliča milicyju.
Tady padazravany źniaŭ svajho ratviejlera z łancuha i daŭ kamandu «Uziać». Sabaka nakinuŭsia na žančynu i ŭkusiŭ za pieradplečča pravaj ruki. Na šum vybieh muž paciarpiełaj i viłami adahnaŭ sabaku ad žančyny. Paśla hetaha haspadar ratviejlera udaryŭ 45-hadovaha mužčynu kułakom u tvar.
«Pa dadzienym fakcie Bierazoŭskim rajonnym adździełam Śledčaha kamiteta raspačataja kryminalnaja sprava pa č. 3 art. 339 KK (asabliva złosnaje chulihanstva). Vyrašajecca pytańnie ab ahladzie śpiecyjalistami sabaki, jaki byŭ vykarystany ŭ jakaści zbroi dla pryčynieńnia cialesnych paškodžańniaŭ», — paviedamili ŭ abłasnym upraŭleńni Śledčaha kamiteta.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary