Bataljon «Azoŭ» adbiŭ u bajevikoŭ nasieleny punkt Kaminternava.
Pra heta havorycca ŭ paviedamleńni na staroncy bataljona ŭ Ukantakcie: «Nad Kaminternavam łunaje ŭkrainski ściah. Za Šyrokinam začyščajem druhi błakpost. «Azoŭ» razhortvaje poŭnamaštabny nastup. Pa ŭsioj linii frontu iduć žorstkija bai».
Taksama paviedamlajecca, što abaronu kaardynuje sakratar RNBA Alaksandr Turčynaŭ.
«Sakratar RNBA Alaksandr Turčynaŭ u aŭtorak znachodzicca ŭ zonie ATA dla kaardynacyi dziejnaści vajennych i pradstaŭnikoŭ siłavoha błoka i kantrolu linii abarony na piarednim krai bajavych dziejańniaŭ», — havorycca ŭ paviedamleńni pres-słužby RNBA.
«Ciapier Alaksandr Turčynaŭ znachodzicca pad Maryupalem, dzie padraździaleńnia Nachvardyi prarvali abaronu praciŭnika i pierajšli ŭ nastup», — dadali ŭ RNBA.
U toj ža čas ukrainskija vajskovyja čaści praciahvajuć vyśviatleńnie adnosin miž saboj: «Niekatoryja sumiežnyja padraździaleńni śpiecnaza, nie budziem udakładniać jakija, pakinuli pole boju jašče da pačatku aktyŭnych bajavych dziejańniaŭ. tym nie mienš nastup praciahvajecca», — havorycca ŭ paviedamleńni «Azova».
Što za čamadan nosić kala Łukašenki jahony achoŭnik? Nie, tam nie jadziernaja knopka20
Kamientary