Eks-pasła Kazachstana ŭ Aŭstryi i byłoha ziacia prezidenta Kazachstana Nursułtana Nazarbajeva aryštavali 5 červienia ŭ Vienie.
Jak paviedamiŭ jaho advakat, Rachat Alijeŭ zdaŭsia aŭstryjskim uładam dobraachvotna i vykazaŭ žadańnie supracoŭničać sa śledstvam.
Alijeŭ staŭ pasłom Kazachstana ŭ Aŭstryi ŭ 2002 hodzie. Na toj momant jon byŭ mužam dački Nazarbajeva. U 2007 h. Alijeva abvinavacili ŭ vykradańni kiraŭnikoŭ kazachskaha Nurbanka — ziać prezidenta byŭ bujnym akcyjanieram hetaj ustanovy. Pa viersii śledstva, Alijeŭ razam z daradcam pieršaha namieśnika staršyni Nurbanka patrabavali, kab siabry i svajaki kiraŭnikoŭ banka pieraaformili na Alijeva svaju majomaść.
U mai 2007-ha Alijeŭ byŭ źniaty z usich pasadaŭ i zajaviŭ pra pierachod u apazicyju da Nazarbajeva.
U 2008 hodzie šlub pamiž Alijevym i dačkoj Nazarbajeva byŭ skasavany. U tym ža hodzie sud Kazachstana zavočna prysudziŭ Alijeva ŭ 20 hadoŭ pazbaŭleńnia voli.
Aŭstryja admoviłasia vydać Alijeva, ale ŭ 2011 hodzie tam pačałosia rasśledavańnie suprać jaho — Alijeŭ staŭ fihurantam spravy ab zabojstvie.
Kamientary