Niaklajeŭ adkazvaje na pytańni Statkieviča: Stała jasna, što nikoha my nie pierachitrym
Lidar hramadskaj kampanii «Havary praŭdu»,eks-kandydat u prezidenty Uładzimir Niaklajeŭ adkazaŭ na niekatoryja pytańni Płoščy, jakija pastaviŭ pierad im u liście z turmy Mikoła Statkievič.
«Naša Niva»: Uładzimir Prakopavič, čamu Vaša sustreča z Statkievičam
Uładzimir Niaklajeŭ: U nas było dźvie mašyny z aparaturaj. Pavodle płana, adna mašyna pavinna była adjazdžać ad ofisu, a druhaja — z tajemnaha miesca. Ale kali jašče ŭdzień stała viadoma, što taja sakretnaja mašyna zabranaja, to stała jasna, što nikoha my nie zmožam pierachitryć. Kali hałasavaŭ, to zaklikaŭ usich prychodzić da našaha ofisa, kab adtul razam z udzielnikami, žurnalistami, naziralnikami rušyć na Płošču.
Zrazumiejcie, pytańnie Płoščy było ŭ aparatury. Kali b aparatura była, my mahli ŭpłyvać na praces. Kalinie, to byŭ by natoŭp. Tak, pavodle pieršaha płana mašyna la našaha ofisa na Kalektarnaj pavinna była adciahvać uvahu, a my z Statkievičam udvuch pavinny byli źjavicca ź inšaha boku. A sakretnaja mašyna mieła zajechać na Kastryčnickuju prosta z praśpiekta. Kali mašyny nie stała, to jaki sens byŭ iści ŭdvuch?
«NN»: Zdajecca, Statkievič ličyć pavodziny aktyvistaŭ «Havary praŭdu» krychu lehkadumnymi.
UN: Ja nie mahu zapiarečyć słovam Statkieviča, bo nie mieŭ ź im razmovy
Ciapier usie kažuć, što absalutna vidavočnym byŭ siłavy scenar padziej. Zusim nievidavočny! Tady my hladzieli zusim u inšym rakursie. Nichto z kandydataŭ nie čakaŭ siłavoha scenara.
«NN»: Statkievič piša, što niekatoryja kandydaty chacieli iści da budynka TB na Kamunistyčnaj.
UN: Usie padziei: i na Kalektarnaj, i na Płoščy, i padčas śledstva — my pavinny asabista abmierkavać sa Statkievičam. Kab ja skazaŭ, što viedaŭ ja, kab jon skazaŭ... Kaniečnie, ja razumieju siońniašni stan Statkieviča.
Jamu chočacca atrymać adkazy na tyja padziei. Ale adkazy treba šukać nie ŭnutry apazicyi, a siarod tych, chto addavaŭ zahady.
«NN»: Siarod inšaha palitviazień piša, što adzin z kandydataŭ prasiŭ milicyju previentyŭna aryštavać Statkieviča pierad Płoščaj.
UN: Ja nie chaču być biazdokaznym. U majoj spravie taksama byli namioki na padobnaje. Ale ničoha dakumientalna paćvierdzić nie mahu. A niekaha prosta tak abvinavačvać… Navošta? Hetych abvinavačvańniaŭ i tak šmat.
«NN»: Značyć, niekatoryja adkazy buduć dadzienyja tolki paśla vyzvaleńnia Statkieviča?
UN: Biezumoŭna.
Kamientary