Izrail nanios avijaŭdary pa Iranie ŭ adkaz na rakietnuju ataku Tehierana ŭ pačatku kastryčnika. Što viadoma

Siły supraćpavietranaj abarony Irana zajavili, što ataki byli paśpiachova adbityja, ale niekatorym pazicyjam była naniesienaja «abmiežavanaja škoda», piša Bi-bi-si.

Iranskaje napaŭaficyjnaje infarmacyjnaje ahienctva Tasnim paviedamiła sa spasyłkaj na krynicy, što Iran hatovy adkazać na ahresiju Izraila. ZŠA zaklikali Iran «spynić svaje ataki» na Izrail, kab razarvać zahannaje koła bajavych dziejańniaŭ.

Kala 2 hadzin nočy pa minskim časie CACHAŁ zajaviŭ, što nanosić «dakładnyja ŭdary pa vajennych celach u Iranie» ŭ adkaz na toje, što jany nazvali «bieśpierapynnymi napadami režymu ŭ Iranie suprać Izraila».

U adkaz dziejańni izrailskich vajskoŭcaŭ pa Iranie čakalisia paśla taho, jak Tehieran 1 kastryčnika nanios masiravany ŭdar pa Izrailu, vypuściŭšy kala 200 balistyčnych rakiet. Heta było zroblena ŭ adkaz na zabojstva Chasana Nasrały — lidara livanskaj šyickaj hrupoŭki Chiezbała, jakaja abapirajecca na padtrymku Irana. Jon zahinuŭ u vyniku izrailskaha ŭdaru pa centralnym štabie Chiezbały ŭ Biejrucie.

Maštaby ataki ŭ adkaz Izraila da kanca pakul niajasnyja, ale izrailskaja hramadskaja viaščalnaja kampanija zajaviła, što dziasiatki źniščalnikaŭ nanosiać udary pa vajennych abjektach Irana. Niekalki vajennych baz na zachadzie i paŭdniovym zachadzie Tehierana padvierhlisia izrailskamu abstrełu, paćvierdziła iranskaje infarmacyjnaje ahienctva Fars.

Pa danych 12-ha kanała izrailskaha telebačańnia, hałoŭnaja meta udaraŭ Izraila — centralnyja vajskovyja abjekty iranskaj abaronnaj pramysłovaści, u liku jakich zavody pa vytvorčaści rakiet, pradpryjemstvy pa raspracoŭcy i vytvorčaści bieśpiłotnikaŭ, a taksama bazy zapusku balistyčnych rakiet.

Iranskaje dziaržaŭnaje telebačańnie paviedamiła pra mocnyja vybuchi ŭ vakolicach Tehierana.

Pry hetym pradstaŭniki iranskaj raźviedki zajavili, što huki hučnych vybuchaŭ «mahli być źviazanyja z aktyvacyjaj sistemy supraćpavietranaj abarony Irana».

Piersidskaja słužba Bi-bi-si sa spasyłkaj na vidavočcaŭ u Tehieranie paviedamlaje, što ŭ 2:13 pa miascovym časie ad 7 da 15 vybuchaŭ prahrymieli ŭ vakolicach stalicy Iran — na poŭdni ŭ rajonie mižnarodnaha aeraporta Chamiejni i ŭ rajonie horada Karadž, za 40 km na zachad ad Tehierana.

Infarmahienctva AFP sa spasyłkaj na dziaržaŭnaje telebačańnie Irana zajaviła, što praca dvuch aeraportaŭ Tehierana praciahvajecca ŭ narmalnym režymie. Adnak praź niekalki hadzin paśla hetaha pradstaŭnik arhanizacyi hramadzianskaj avijacyi Irana paviedamiŭ iranskamu ahienctvu Irna, što paloty pa ŭsich maršrutach admienienyja da dalejšaha paviedamleńnia.

Piersidskaja słužba Bi-bi-si adznačaje, što iranskija dziaržaŭnyja ŚMI admaŭlajuć, što ataki Izraila nanieśli jakoj-niebudź realnaj škody, nazyvajučy ich biespaśpiachovymi. Adnak heta standartny adkaz Irana, kali jon padviarhajecca napadam.

«Heta moža stać dla ich sposabam zachavać tvar, kab pakłaści kaniec hetaj sistemie «voka za voka»», adznačaje Piersidskaja słužba Bi-bi-si. Ale hetaja stratehija moža paciarpieć niaŭdaču, kali źjaviacca dokazy, jakija pakazvajuć maštab škody, abo kali buduć achviary.

Staršy navukovy supracoŭnik Fondu abarony demakratyj Biechnam Ben Talebłu taksama źviarnuŭ uvahu na toje, što kadry, tranślavanyja ŭ blizkich da iranskich uładaŭ miedyja, rezka kantrastuje z tym, što možna ŭbačyć u sacyjalnych sietkach krainy.

Pa słovach Talebłu, jaki zajmajecca pytańniami iranskaj palityki i biaśpieki, pakul kančatkova nie jasna, ci źjaŭlajecca metaj Izraila źniščeńnie ŭsioj aerakaśmičnaj sietki Korpusa vartavych isłamskaj revalucyi.

«Miarkujučy z metaŭ, jakija my bačym na hety momant, heta [udary] nakiravana na toje, kab abiasškodzić — ale nie źniščyć — pahrozu iranskich rakiet dalokaha radyusu dziejańnia», — skazaŭ jon Bi-bi-si.

Paśla 4 ranicy pačałasia druhaja chvala ŭdaraŭ. Ahienctva Reuters sa spasyłkaj na miascovyja ŚMI paviedamiła, što na ŭschodzie Tehierana prahučali jašče čatyry vybuchi, dadaŭšy, što «supraćpavietranaja abarona ŭsio jašče aktyŭnaja» ŭ stalicy.

Kala 6 ranicy pa maskoŭskim časie izrailskaja hramadskaja telekampanija zajaviła, što apieracyja Izraila suprać Irana zavieršana paśla troch chvalaŭ udaraŭ. Hetuju infarmacyju taksama paćvierdziła vydańnie Axios, dadaŭšy, što druhaja i treciaja chvali byli nakiravanyja na bazy i vytvorčyja placoŭki rakiet i bieśpiłotnikaŭ.

Nieŭzabavie paśla hetaha zaviaršeńnie apieracyi suprać Irana aficyjna paćvierdziŭ i CACHAŁ. U zajavie izrailskich vajskoŭcaŭ ničoha nie havaryłasia pra niekalki chvalach udaraŭ — tolki pra toje, što ŭdary byli naniesienyja pa rakietnych zavodach, rakietnyja kompleksy kłasa «ziamla-pavietra» i inšym iranskim pavietranym srodkam, jakija byli zaklikanyja abmiežavać svabodu dziejańniaŭ Izraila ŭ Iranie z pavietra.

Praź niekalki hadzin siły supraćpavietranaj abarony Irana zajavili, što napadu padvierhlisia bazy ŭ Tehieranie, pravincyjach Chuziestan i Iłam. Ź ich słoŭ, ataki byli paśpiachova adbityja, ale niekatorym pazicyjam była naniesienaja «abmiežavanaja škoda».

Iran hatovy adkazać na lubuju izrailskuju «ahresiju», i niama nijakich sumnievaŭ u tym, što Izrail sutykniecca z praparcyjnaj reakcyjaj na lubyja svaje dziejańni, paviedamiła sa spasyłkaj na krynicy iranskaje napaŭaficyjnaje infarmacyjnaje ahienctva Tasnim.

Paśla hetaha pres-sakratar CACHAŁ, kontr-admirał Daniel Chahary zajaviŭ, što kali režym u Iranie zrobić pamyłku i pačnie novy vitok eskałacyi — Izrail budzie abaviazany adkazać.

Načnaja ataka pa Tehieranie pavinna stać zaviaršeńniem u abmienie ŭdarami pamiž Izrailem i Iranam, zajaviŭ Reuters vysokapastaŭleny čynoŭnik Biełaha doma. AFP sa spasyłkaj na Bieły dom paviedamiła, što ZŠA zaklikali Iran «spynić svaje ataki» na Izrail, kab razarvać zahannaje koła bajavych dziejańniaŭ.

Ahienctva Reuters i AFP sa spasyłkaj na siryjskaje dziaržaŭnaje telebačańnie paviedamili, što siońnia ŭ pačatku nočy vybuchi taksama byli čutnyja niedaloka ad Damaska. Reuters sa spasyłkaj na Siryjskaje dziaržahienctva Sana udakładniaje, što ŭdary byli naniesienyja pa vajskovych abjektach u Centralnaj i paŭdniovaj Siryi. Pry hetym Siryjskaje dziaržtelebačańnie śćviardžaje, što siryjskija siły SPA źbili izrailskija rakiety.

Papiaredni ŭdar Izraila pa radyjołakacyjnych celach u Siryi byŭ nakiravany na toje, kab aślapić mahčymaści Irana (vierahodna havorka idzie pra sistemy SPA), za imi paśledavali ataki na Tehieran i Kieriedž.

• 7
• 0
• 0
• 1
• 0
• 0
• 0
• 0