Błohier emacyjna raskazaŭ, dzie ŭ Biełarusi samyja pahanyja darohi. I zusim nie z-za ich pakryćcia
U tyktoku źjaviłasia 5-chvilinnaje videa, u jakim barysaŭski tyktokier žorstka i z prymianieńniem niecenzurnaj leksiki krytykuje darohi ŭ Žodzinie, zaŭvažyła vydańnie Ex-press.by.
Na dumku błohiera, nie sama jakaść daroh jak takich, a chaatyčnaja raźmietka i arhanizacyja ruchu robiać horad lidaram siarod samych niazručnych dla kiravańnia miescaŭ u Biełarusi.
Jon raskazaŭ, jak pałosy na darozie raptam mianiajucca: spačatku ty jedzieš pa adnoj pałasie, potym raptam źjaŭlajecca viełapałasa, a praź niekalki mietraŭ pałosy razychodziacca ŭ roznyja baki. Źjaŭlajucca niečakanyja pieraškody, pry hetym adsutničajuć papieradžalnyja znaki.
Adzin z klučavych momantaŭ u videa — heta apisańnie absurdnaści situacyi z časovaj raźmietkaj, jakaja stvaraje chaos na darohach. Na dumku tyktokiera, kali b kiroŭcy dziejničali dakładna ŭ adpaviednaści ź joj, to avaryi adbyvalisia b litaralna «na roŭnym miescy».
Jon taksama padkreśliŭ, što mnohim kiroŭcam dapamahaje tolki vopyt častaha prajezdu praz Žodzina abo nazirańnie za tym, jak ruchajucca mašyny napieradzie.
Taksama błohier iranična adznačyŭ, što ŭ Žodzinie ŭsio ž taki viaducca darožnyja raboty. I pažartavaŭ, što heta robicca nie dla miascovych žycharoŭ, a tamu što «pryjedzie prezident»:
«Pavinien prosta prezident pryjechać. Voś tamu tam śpiecyjalna dla prezidenta zrabili parkoŭku. Tak. Što heta ja? I darohu pašyrajuć śpiecyjalna dla prezidenta».
U kamientaryjach miascovyja žychary padtrymali tyktokiera, zhadžajučysia, što darohi ŭ Žodzinie sapraŭdy dalokija ad ideału.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
Kamientary