Стала вядома, скуль узялася сыравіна для «сідру», ад якога ў Расіі памерла больш за 30 чалавек. І гэта неймаверна
Як паведамілі ў МУС Расіі, небяспечную спіртазмяшчальную вадкасць, з якой рабілі смяротны «сідр», скралі са складоў МУС.
![](http://d3kcf2pe5t7rrb.cloudfront.net/img/w840d4webp1/photos/z_2023_06/1-8vfb6.jpg.webp)
Крадзеж выявіўся ў выніку вывучэння каналаў паступлення небяспечнай вадкасці на вытворчасць напояў маркі «Містар сідр».
У выніку паліцэйскія высветлілі факт крадзяжу спіртазмяшчальнай вадкасці са склада аддзялення МУС Расіі па Самарскай вобласці.
Гэтая партыя захоўвалася на складзе з 2012 года, пасля таго як яе канфіскавалі падчас праверачных мерапрыемстваў.
За крадзеж затрыманыя двое жыхароў Самары і сяржант паліцыі, які ахоўваў склад і прапусціў зламыснікаў на яго тэрыторыю, пра гэта паведамляе РБК.
Кіраўнік МУС РФ звольніў намесніка начальніка ГУ МУС Расіі па Самарскай вобласці Юрыя Сафронава.
Пра першыя выпадкі атручвання стала вядома 5 мая. Ужо тады колькасць памерлых дасягнула 16 чалавек. Улады заблакавалі па ўсёй Расіі абарот прадукцыі ТАА «Андзі», якое вырабляла «Містар сідр».
СК паведаміў, што індывідуальны прадпрымальнік, чыя кампанія вырабляла сідр, затрыманы.
ТАА «Андзі» была зарэгістраваная ў канцы 2021 года, яе заснаваў Анар Гусейнаў, як піша РБК. Паводле інфармацыі медыя, затрыманы якраз ён.
Па факце гібелі людзей распачалі крымінальную справу па частцы 3 артыкула 238 КК РФ (Аказанне паслуг, якія не адпавядаюць патрабаванням бяспекі, што пацягнула па неасцярожнасці смерць дзвюх або больш асоб), пра гэта паведамілі ў Следчым камітэце.
Колькасць загінулых у Расіі ад «сідру» перавысіла 30 чалавек.
Каментары
11 год? У іх там музей полечудзес, ці навошта гэта ўсё захоўваць