Крыніцы: Спажывецкае крэдытаванне спыняецца. Падрабязнасці закрытай нарады ў Нацбанку
Учора мы паведамлялі аб запланавай сустрэчы кіраўніцтва Нацбанка з кіраўнікамі ўсіх беларускіх банкаў на фоне моцнай турбулентнасці ў эканоміках Расіі і Беларусі. Што там вырашылі?
Па словах нашых суразмоўцаў, Нацбанк прапанаваў цалкам спыніць спажывецкае крэдытаванне, акрамя дзяржаўных праграм. Гэта робіцца для таго, каб атрыманыя ў рублях грошы нельга было канвертаваць у валюту.
«У той жа час, на стаўкі па валютных дэпазітах вырашылі захоўваць дырэктыўныя абмежаванні, бо іх павышэнне ўсё роўна дадатковых укладчыкаў не прывабіць, а сігнал панікі створыць», — кажуць удзельнікі нарады.
Крыніцы «Нашай Нівы» адзначылі, што нефармальна Нацбанк забараніў выплату дывідэндаў замежным кампаніям-акцыянерам. Таксама банкам загадана пільна сачыць за вывадам сродкаў за мяжу агулам.
«У сувязі з масавым вывадам укладаў Нацбанк параіў банкам з замежнымі акцыянерамі звяртацца да мацярынскіх арганізацый за мяжу, бо рэсурсаў рэгулятара на падтрымку ўсіх не хопіць. А некаторым гэтая падтрымка ўжо аказваецца, — адзначаюць суразмоўцы. — З-за адтоку дэпазітаў банкі могуць выдаваць наяўныя з рахункаў цягам пяці дзён. Таксама рэкамендавалася пераарыентаваць кліентаў на выкарыстанне картак «Белкарт» праз рызыку таго, што міжнародныя карты беларускіх банкаў не будуць працаваць».
Чытайце:
«Ідзём з бязрадасным тварам, як у Набіулінай». Нацбанк заўтра збірае кіраўніцтва ўсіх банкаў на сустрэчу
Ці можна ў Беларусі забіцца, зваліўшыся ў падземны пераход?4
Каментары