Кросфіт: што гэта такое, якія абмежаванні, дзе пазаймацца ў Мінску і колькі каштуе
Кросфіт (ад англ. CrossFit) — трэніровачная методыка, якая камбінуе інтэнсіўныя сілавыя і функцыянальныя практыкаванні.
Мэта кросфіту — развіццё цягавітасці, сілы, гнуткасці, хуткасці і каардынацыі адначасова. Сцвярджаецца, што новая методыка дае таксама паляпшэнне працаздольнасці сардэчна-сасудзістай і дыхальнай сістэм, хуткасць адаптацыі да змены нагрузак і інш.
У праграме камбінуюцца такія віды дзейнасці, як бег (спрынтарскія забегі), веславанне (на спецыяльных трэнажорах), скачкі (са скакалкай або на перашкоды), канат, праца з вагою (гантэлі, гіры, штанга, мех з пяском), практыкаванні на колцах і многія іншыя.
Такая методыка дасяжная толькі для людзей з моцным здароўем, бо на трэніроўках чалавек атрымлівае добрыя нагрузкі.
Чым адметная гэтая трэніровачная методыка і якое трэба мець здароўе, каб ёй займацца? На гэтыя і іншыя пытанні адказаў кросфіт-трэнер і адначасова ўладальнік кросфіт-залы «Dvor» Канстанцін Пруднікаў.
Канстанцін — 29-гадовы беларус, які пэўны час працаваў фітнэс-трэнерам у Санкт-Пецярбургу, паўгода таму разам з жонкай вярнуўся ў Беларусь, і ў снежні 2015-га адкрыў уласную кросфіт-залу ў Мінску.
НН: Чаму менавіта кросфіт?
КП: Першы раз пазнаёміўся з кросфітам 5 год таму. Я нешта прачытаў у інтэрнэце, паглядзеў спаборніцтвы па кросфіце і быў вельмі ўражаны. На Crossfit Games людзі такое вытваралі. Я бачыў, як амаль усе ўдзельнікі спакойна падымаюць штангі ў 250 кг. Пры гэтым яны падцягваліся, прысядалі — яны выглядалі як атлеты.
На той момант я працаваў у трэнажорнай зале ў Санкт-Пецярбургу, пачаў прыглядацца да гэтага віду спорту, паспрабаваў трэніроўку ў кросфітаўскім стылі: 5 падцягванняў, 10 адцісканняў, 15 прысяданняў. Гэта адзін круг. Задача была выканаць максімальную колькасць кругоў за 20 хвілін. У выніку я паўдзельнічаў у некалькіх спаборніцтвах па кросфіце, пасля атрымаў сертыфікат як трэнер па кросфіце.
Я зразумеў, што кросфіт асабіста для мяне найлепшы від спорту.
Звычайна, калі ты займаешся нейкім адзіным кірункам, у цябе ёсць пэўныя перакосы. Напрыклад, калі ты займаешся ёгай, то, як правіла, у цябе ёсць праблемы з агульнай сілай, займаешся ў трэнажорцы — ёсць прабел па цягавітасці і з гнуткасцю. Кросфіт жа развівае ўсе сегменты твайго арганізма: сіла, цягавітасць, гнуткасць.
І тут не сумна, бо займаюцца людзі ў групах, вялікая колькасць практыкаванняў на розныя часткі цела. Трэба зразумець адзіную рэч — немагчыма навучыцца ўсяму ідэальна.
Адназначны плюс кросфіту ў тым, што ён адкрывае цябе з розных бакоў. Адначасова развіваючы розныя цягліцы і спартовыя якасці, вы ўсталюеце баланс свайго цела. На кросфіт ты прыходзіш на трэніроўку і на тусоўку.
Цяпер кросфіт становіцца папулярным. Хутчэй за ўсё, гэта з-за базавай мэты любога віду трэніровак — прывесці сябе ў форму. Комплекс практыкаванняў у кросфіце дазваляе збалансаваць нагрузку паміж усімі часткамі цела. Бо ёсць людзі, якія прыходзіць у качалку і пачынаюць цягаць жалеза бесперапынна ў надзеі напампаваць, напрыклад, біцэпсы. Рэальная іх эфектыўнасць вельмі нізкая, а з-за таго, што яны не карыстаюцца паслугамі трэнера, яны павялічваюць рызыку атрымання траўмы. У гэтым сэнсе кросфіт без трэнера немагчымы. Ёсць людзі, якія сочаць за практыкаваннямі для кросфіту ў інтэрнэце, але звычайна яны больш губяць сваё здароўе з-за няправільнага іх выканання.
У кросфіце істотныя харчаванне і рэгулярныя трэніроўкі з трэнерам, пажадана 3 разы на тыдзень. Пры такім тэмпе праз месяц вы адчуеце вынік па самаадчуванні, а прыкладна праз тры месяцы вынік заўважаць вашыя знаёмыя і сябры.
Ёсць вялікая колькасць людзей, якія ідуць на фітнэс з мэтай прывесці сябе ў парадак, але не вытрымліваюць пасля двух тыдняў. Вось гэтыя
першыя два тыдні трэніровак — крытычны момант.
Калі чалавек яго вытрымае, то надалей ён будзе працягваць займацца. Пасля двух месяцаў рэгулярных трэніровак гэта ўжо войдзе ў звычку.
НН: Якія абмежаванні па здароўі для заняткаў кросфітам?
КП: У ідэале ты павінен быць цалкам здаровы, каб выконваць усе практыкаванні, якія ўваходзяць у трэніроўку.
Першае, што я пытаюся, калі чалавек прыходзіць на трэніроўку — гэта яго абмежаванні.
Самыя небяспечныя з іх для кросфіту — спіна, грыжы, калені і сэрца. Калі ў цябе скаліёз 2—4 ступені, падымаць цяжары вельмі складана, бо можна атрымаць грыжу і.г.д. Як фітнэс-трэнер, магу сказаць, што якія б абмежаванні ні былі — трэба прайсці курс рэабілітацыі. Гэта цяжкі працэс, ён можа заняць ад трох месцаў да года ці нават болей, бо ўсё залежыць ад ступені траўмаванасці.
З грыжамі дваякі момант — шмат хто кажа, што нельга падымаць жалеза, калі ў цябе грыжа. Гэта не зусім так.
Твая задача — умацаваць спіну, усе практыкаванні рабіць з ідэальнай спіной, захоўваць усе свае натуральныя прагібы. Гэта можна зрабіць праз карсет, ЛФК, умераныя заняткі з абцяжарваннем, плаванне ў басейне. Толькі тады спіна перастане цябе турбаваць. З каленямі трэба зноў такі аптымізаваць нагрузку, якую ты даеш, і правільна выконваць практыкаванні.
Кросфіт збольшага пабудаваны на вынослівасці, таму да праблем сэрца трэба ўважліва ставіцца.
Я заўсёды кажу нават здаровым людзям: не трэба заганяць сябе да самага высокага пульсу — гэта нікому нічога добрага не дасць.
Пульс вышэйшы за 170 — спаборніцкі, для звычайнай трэніроўкі хапае пульсу і да 160.
Часам карысна выкладвацца на сто адсоткаў, але не кожны раз.
НН: Ці магчыма з нулявой фізічнай падрыхтоўкай пачаць займацца кросфітам?
КП: Вядома. Такіх людей сярод тых, хто прыходзіць займацца, больш за палову. Зразумела, што чым болей раней прысутнічала спорту ў тваім жыцці, тым лепш будзе займацца цяпер. Калі ты прыходзіш, а раней ніколі не займаўся ніякім спортам і ў цябе было вызваленне па фізкультуры, і ты сядзеў на лавачцы — зараз будзе вельмі цяжка ўсё гэта падцягнуць. Проста прыйдзецца фарміраваць тую фізічную форму, якую трэба было мець у 10—12 год. Таму людзі часта прыходзяць і кажуць — я хачу напампаваць сваё цела за месяц. Трэба зразумець, што на ўсё трэба час.
У Мінску ёсць 6 залаў, прызначаных для кросфіту.
SPORTFIT (вул. Сурганава, 2)
Ёсць асобная зала для заняцця кросфітам. Ёсць практыкаваніі для развіцця цягавітасці і стойкасці, сілы, рэакцыі і каардынацыі, спрытнасці (дакладнасць, акуратнасць, баланс), хуткасць і гнуткасць.
РАСКЛАД:
Залежыць ад нумара вашай групы
ЦЭНЫ:
- Разавае наведванне, навучальны занятак — 170 тысяч,
- Адзін індывідуальны занятак з трэнерам — 185 тысяч.
- 12 заняткаў + бонус (14 заняткаў) — 1 380 000.
REFORMA (пр-т Пушкіна, 68)
Як напісана на сайце Reforma, што тычыцца кросфіту, на першых трэніроўках асаблівая ўвага надаецца тэхніцы выканання практыкаванняў, асвойваюцца базавыя комплексы практыкаванняў з цяжкай атлетыкі і гімнастыкі. З паступовым павелічэннем узроўню падрыхтоўкі атлетаў павялічваецца інтэнсіўнасць і разнастайнасць трэніровак.
РАСКЛАД:
- Панядзелак, серада, пятніца 8:00—9:00, 9:00—10:00, 18:00—19:00, 19:00—20:00, 20:00—21:00
- Аўторак, чацвер 18:00—19:00, 19:00—20:00, субота 12:30—13: 30
- Lady Crossfit: аўторак, чацвер 8:00—9:00, 9:00—10:00, суббота 13:30-14:30
ЦЭНЫ:
- 8 трэніровак у месяц — 750 000
- 12 трэніровак у месяц — 990 000
- Разавае наведванне — 120 000
КАТОЎСКІ (вул. Адэская, 14)
Ёсць асобная зала для кросфіту.
РАСКЛАД:
- З 9:00 да 16:00
- 16:00 да 22:00
ЦЭНЫ:
з 9.00 да 16.00
- разавае наведванне — 50 000
- абанемент 8 наведванняў — 350 000
- абанемент 12 наведванняў — 500 000
- абанемент безлімітны — 600 000
з 16.00 да 22.00
- разавае наведванне — 60 000
- абанемент 8 наведванняў — 400 000
- абанемент 12 наведванняў — 600 000
- абанемент безлімітны — 700 000
ВОЛАТ (вул. Перадавая, 6)
Заняткі праходзяць у ранішні і вячэрні час.
РАСКЛАД:
- Група №1: панядзелак, серада, пятніца — 19.35—20.35.
- Група №2: панядзелак, серада, пятніца — 18.30—19.30.
- Група №3: серада, пятнiца — 09.00—10.15, нядзеля 13.30 — 14.45.
- Група №4 — аўторак, чацвер-19.00—20.00, субота-12.00—13.00
- Група №5 (сацыяльная) — панядзелак, среда, пятнiца — 17.30—18.30.
ЦЭНЫ:
У залежнасці ад групы.
Клуб па боксу «VOLAT» (вул. Славінская 1, корпус 3)
Самая новая зала для заняткаў кросфітам. Пакуль яшчэ памяшканне перабудоваецца пад кросфіт і бокс, але запісацца можна ўжо сёння. Заняткі праходзяць у зале адзінаборстваў.
РАСКЛАД:
Дзённыя, ранішнія і вечаровыя групы. Заняткі праходзяць у аўторки, чацвяргі і нядзелі.
ЦЭНЫ:
Абанемент на 12 заняткаў — 500 тысяч
POISON (вул. Даўгабродская, 43)
Спецыялізаваная зала для заняткаў кросфітам.
РАСКЛАД:
У залежнасці ад групы.
ЦЭНЫ:
Першы занятак — бясплатна
Базавы курс трэніровак, 6 ўводных заняткаў — 580 000
Абанемент на 8 заняткаў — 680 000
Абанемент на 12 заняткаў — 970 000
Безліміт на ранішнія групы (08:00 і 9:30) — 750 000
Безліміт на іншыя групы — 1 270 000
Безліміт на 3 месяцы — 3 500 000
DVOR (Кастрычніцкая, 16)
Спецыялізаваная зала для заняткаў кросфітам.
РАСКЛАД:
Падбіраецца зручны для вас час.
ЦЭНЫ:
- Разавы занятак — 120 000
- 8 заняткаў — 700 000
- 12 заняткаў — 900 000
- Безлімітны абанемент — 1 200 000
«Сяргей» не адзін. Вось як КДБ прапануе зарабіць на сачэнні за беларускімі эмігрантамі2
Каментары