Эканоміка

Сідорскі: Беларусь зацікаўлена ў інвеставанні амерыканскага капіталу ў беларускую эканоміку

Пра гэта заявіў прэм’ер‑міністр Сяргей Сідорскі 30 сакавіка ў Мінску на сустрэчы з кіраўніцтвам найбуйнейшых амерыканскіх кампаній.

«Мне здаецца, мы знаходзімся на правільным шляху выбудоўвання інтарэсаў праз эканоміку ў палітыцы», — заявіў Сідорскі, звяртаючыся да прадстаўнікоў амерыканскага бізнесу.

Ён нагадаў, што «да пэўнага часу» Беларусь актыўна развівала адносіны з амерыканскімі кампаніямі, вынікам чаго стала дасягненне тавараабароту больш чым у 700 млн. даляраў.

Аднак «па палітычных матывах эканамічнае ўзаемадзеянне з амерыканскімі партнёрамі было прыпынена»,

адзначыў прэм’ер‑міністр. Паводле яго слоў, пастаўкі прадукцыі шэрагу найбуйнейшых беларускіх прадпрыемстваў, найперш высокатэхналагічных, у ЗША былі прыпынены.

Тым не менш, заявіў Сідорскі, беларускі бок аб’ектыўна ставіўся да падзей, што адбываліся. «Мы давалі сігнал нашым прадпрыемствам не спыняць кантакты з амерыканскімі кампаніямі, асабліва ў сферы высокіх тэхналогій, хімічнай, нафтахімічнай галін», — падкрэсліў кіраўнік урада.

Ён выказаў задавальненне тым, што «амерыканскія кампаніі з павагай ставяцца да беларускай эканомікі». «Больш за 300 амерыканскіх кампаній працуюць у розных сферах беларускай эканомікі», — нагадаў Сідорскі.

Ён падкрэсліў, што Беларусь моцная ў розных галінах эканомікі. У прыватнасці, беларускім трактарам належыць 12% сусветнага рынку трактарнай тэхнікі. Паводле слоў Сідорскага, у Беларусі ствараюцца ўсе неабходныя ўмовы для развіцця новых вытворчасцяў.

«І мы, зразумела, маем патрэбу ў новых інвестыцыях.

Думаю, што ваша зацікаўленасць будзе заключацца перадусім у тым, каб інвеставаць у нашу эканоміку», — адзначыў прэм’ер‑міністр, звяртаючыся да прадстаўнікоў амерыканскіх кампаній.

У якасці станоўчага прыкладу ён прывёў узаемаадносіны з Кітаем, які плануе на працягу двух‑трох гадоў інвеставаць у Беларусь больш чым 15 млрд. даляраў.

Гаворачы пра магчымасці інвеставання, Сідорскі падкрэсліў, што Інвестыцыйны кодэкс Беларусі з’яўляецца адным з лепшых. Паводле яго слоў, беларускі бок гатовы даваць дадатковыя прэферэнцыі замежным кампаніям «для рэалізацыі цікавых праектаў».

У сваю чаргу партнёр юрыдычнай кампаніі «Грынберг Траўрыг» Дэвід Бэйран адзначыў, што беларускае заканадаўства, інвестыцыйны клімат «развіваецца істотным чынам».

На яго погляд, сустрэча кіраўнікоў амерыканскіх кампаній з беларускім прэзідэнтам 29 сакавіка пацвердзіла, што «цяпер настае гістарычны момант для аднаўлення і развіцця адносін паміж краінамі». «Я мяркую, што ўвесь свет будзе назіраць, як у Беларусі ставяцца да амерыканскіх кампаній, як яны працуюць тут», — сказаў Бэйран.

Паводле яго слоў, вынікам актывізацыі ўзаемаадносін павінны стаць новыя інвестыцыі ў Беларусь і аднаўленне ранейшых аб’ёмаў паставак беларускай прадукцыі ў ЗША.

Каментары

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

Польшча распачала паляванне на кампаніі, якія абыходзяць санкцыі супраць Беларусі і Расіі1

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →