Буйныя шчупакі і самы для беларускіх рыбакоў хоць і прыемны ўлоў, але цалкам звыклы. Куды больш цікавы трафей здабыў жыхар Бабруйска, які вывудзіў з Прыпяці вялізнага судака, піша Fishing.by.
Судак, якога злавіў бабруец, цалкам можа прэтэндаваць на рэкорд — маса асобіны склала больш за 7,7 кілаграмаў, даўжыня — 85 сантыметраў.
«У панядзелак 9 снежня я парыбачыў на рацэ Прыпяць у раёне Жыткавіцкага моста. За дзень было толькі дзве паклёўкі, і другая аказалася незабыўнай — на воблер узяўся прыгажун судак. З рыбай прыйшлося добра такі «пабадацца» падчас вывожвання, але ўсё ж яна здалася. Гэта было нешта, доўга не мог аддыхацца пасля таго, як судак апынуўся ў лодцы. Мой асабісты рэкорд!» — расказаў мужчына.
Судакі такіх памераў у беларускіх вадаёмах сустракаюцца ў адзінкавых экзэмплярах, таму злавіць такую рыбіну заўсёды лічылася вялікай рыбацкай удачай.
Знойдзены самы ўдачлівы рыбак Беларусі: за гадзіну ён вылавіў у Мінску дзве 18-кілаграмовыя рыбіны
Рыбак з Рагачова злавіў у Дняпры «дагістарычнага шчупака»
У Магілёўскай вобласці вылавілі 15-кілаграмовага шчупака. Даставалі з вады амаль гадзіну
Пад Полацкам мужчына лавіў рыбу, а злавіў чарапаху
Каля Аўстраліі злавілі селядцовага караля. Кажуць, што гэта не на дабро
Каментары