Шайгу: Пра перамовы з Украінай не можа ісці гаворкі, пакуль не выкінем іх з нашай тэрыторыі
Былы міністр абароны Расіі, які займае пасаду сакратара Рады бяспекі, заявіў, што перамовы з Украінай немагчымыя датуль, пакуль вайскоўцы УСУ застаюцца на расійскай тэрыторыі.
Сяргей Шайгу яшчэ ў ранзе міністра абароны і Уладзімір Пуцін. Gavriil Grigorov, Sputnik, Kremlin Pool Photo via AP
«Да таго часу, пакуль мы не выкінем іх з нашай тэрыторыі, мы, натуральна, ні пра якія перамовы з імі гаворкі весці не будзем», — сказаў Шайгу ў інтэрв'ю тэлеканалу «Расія 24».
Па словах былога міністра абароны, ва УСУ былі «жаданне і імкненне ўзяць Курскую атамную станцыю», каб ажыццявіць ядзерны тэрор».
«Гэта, на шчасце, не ўдалося», — сказаў Шайгу.
Каментары