Урад забараніў забіраць за даўгі храмы, іконы і рэлігійныя кнігі
Арышт на такую маёмасць рэлігійных арганізацый накладваць нельга.
Урад зацвердзіў пералік маёмасці рэлігійных арганізацый, якую нельга забіраць за даўгі па прэтэнзіях крэдытораў.
У спіс трапілі самі будынкі цэркваў, касцёлаў, мячэцяў і іншых рэлігійных устаноў, іх убранне, у тым ліку купалы, троны, крэслы-троны, падстаўкі для Каранаў, а таксама гаспадарчыя пабудовы на храмавай тэрыторыі.
Акрамя таго, за даўгі зараз нельга забіраць прадметы рэлігійнага культу — іконы, іканастасы, крыжы, купелі, кадзілы, трохсвечнікі і многія іншыя.
Таксама нельга накладваць арышт на богаслужбовыя адзенні і рэлігійную літаратуру. У цэлым у пералік трапіла ўсё, што знаходзіцца ўнутры культавых будынкаў — усе гэтыя прадметы за даўгі цяпер адбіраць і арыштоўваць забаронена.
Ціханоўская будзе мець статус нацыянальнай лідаркі Беларусі да моманту правядзення свабодных выбараў у краіне13
Каментары
Яны б даўно самі ўсё пачыналі. Вярніце касцёл людзям!