Вы 100% не ведалі, што ў гэтых месцах Мінска можна смачна і танна паесці

Два гады таму тыкток-блогер пад нікам Dostaliceny выпадкова даведаўся пра тое, што на дыспетчарскіх станцыях (тых самых, якія знаходзяцца на канцавых прыпынках маршрутаў) можа паесці любы ахотны.

Ён схадзіў у разведку на ДС «Кунцаўшчына» і застаўся вельмі задаволены: за смешныя грошы атрымалася не проста перакусіць, а паўнавартасна паабедаць. Пазней ён наведаў яшчэ некалькі аналагічных месцаў.

@dostaliceny Диспетчерские станции Точнее их буфеты. И что-то с ними происходит. Напомню, что на диспетчерских станциях общественного транспорта есть буфеты. График работы у них утром и вечером. Можно найти похожее меню, что и в столовых, ещё и по тем же ценам. Как-то раз, этой зимой я приехал в очередной ДС по ул. Одоевского. А оказалось, что он закрыт. Я подумал ну мало ли, но неделю назад в шабанах история повторилась. Получается какая-то нездоровая тенденция. Поэтому я прокатился по некоторым буфетам, а именно кунцевщина, запад-3, юго-запад, малиновка-4 и восточная. На последней я поел, взял холодник, котлету, картошку, салат и чай. За все отдал 9,92 р. Как обычно все понравилось. Интересные места, простые, недорогие, с хорошим графиком работы. Будет жалко если они со временем закроются. #едаминск #досталицены #обзорзаведений #транспорт ♬ оригинальный звук - Достали цены

Але ўзімку, калі блогер прыехаў на ДС «Адоеўскага», ён быў расчараваны. Нягледзячы на ​​тое, што на гугл-мапах было адзначана, што буфет працуе, аказалася, той зачыніўся назаўсёды.

Тыдзень таму хлопец вырашыў наведацца ў буфет ДС «Шабаны» і даведаўся, што той таксама больш не працуе. Спужаўшыся, ці не закрыліся іншыя такія буфеты, блогер паехаў правяраць. Але ўздыхнуў з палёгкай: на дыспетчарскіх станцыях «Кунцаўшчына», «Захад-3», «Паўднёвы Захад», «Малінаўка-4», «Усходняя» ўсё працуе. Меню апошняга буфета ён і пратэсціраваў: за халаднік, катлету з бульбяным пюрэ, салату і гарбату аддаў 9 рублёў і 92 капейкі.

Павялічыць

— Як звычайна, застаўся задаволены. Я гэта ўсё да чаго? Мне падабаюцца нестандартныя месцы, асабліва дзе нядорага і проста. І ДС у гэтым плане знаходка. Кормяць бюджэтна і ў любы дзень. У тым ліку і ўвечары. Шыкоўная атмасфера і ветлівыя прадаўцы.

Наўрад ці, вядома, такое месца падыдзе для рамантычнага спаткання (калі толькі для вельмі крэатыўнага), але вось павячэраць, калі лянота гатаваць, можна. Зорак мішлен у буфетаў няма, але смачна і сытна накормяць.

• 21
• 0
• 7
• 0
• 1
• 0
• 0
• 1