У Магілёве кіраўніцтву сілавікоў і губернатарам паказалі абарону аэрапорта горада ФОТЫ
Паказ тактычнага эпізоду стаў адным з мерапрыемстваў штогадовага збору для чыноўнікаў.
Старшыням абласных выканкамаў і гарвыканкама Мінска, а таксама камісарам рэгіёнаў паказалі абарону аэрапорта Магілёва. Паказ тактычнага эпізоду стаў адным з мерапрыемстваў штогадовага збору для чыноўнікаў, паведамляе Мінабароны.
Чыноўнікаў інструктавалі кіраўнікі МУС, Мінабароны, камандаванне Узброеных сіл і ўнутраных войскаў, кіраўніцтва Рады бяспекі. На пляцоўцы Магілёўскага аэрапорта былі паказаны беспілотнікі, робаты, інжынерная і ваенная тэхніка.
У завяршэнні чыноўнікам паказалі, як будуць абараняць аэрапорт Магілёва.
Адначасна міністр абароны Віктар Хрэнін адкрыў зборны пункт ваеннага камісарыята Магілёўскай вобласці. Тут чыноўнікам паказалі методыку падрыхтоўкі камандзіраў атрадаў народнага апалчэння і іх намеснікаў, а таксама дзеянні апалчэнцаў па прадухіленні і спыненні правапарушэнняў.
«Зашмат у вас дзяцей». Як жыве сям'я з сямю дзецьмі, якой давялося выехаць з Беларусі3
Каментары