За месяц стала вядома пра знікненне ў Расіі чатырох беларусаў. І гэта толькі з адной вобласці
Гомельскі пошукава-ратавальны атрад «Сімуран» паведаміў пра пяцёра мужчын з Гомельскай вобласці, з якімі знікла сувязь у Расіі, з некаторымі яшчэ ў канцы 2023 года. Чатырох з іх дагэтуль шукаюць, піша «Штодзень».
Гаворка ідзе, у прыватнасці, пра Віктара Грамыку з Гомеля. Ён можа знаходзіцца ў Санкт-Пецярбургу, куды з’ехаў у канцы 2023 года.
У пачатку 2024 года ў гэтым самым горадзе знік жыхар Веткі Анатоль Цішкоў.
Жыхар Клімаўкі Гомельскага раёна Міхаіл Самусенка не выходзіць на сувязь з лютага. Ён працаваў у Маскве.
Гісторыя жыхара Калінкавічаў Сяргея Рабака у гэтым шэрагу стаіць асабняком, бо ён з’ехаў на працу ў Маскву яшчэ ў далёкім 2008 годзе.
Некаторых людзей у Расіі атрымліваецца знайсці. Так, жыхар Гомеля Уладзімір Віннікаў выехаў ва Уфу, адтуль патрапіў у Калужскую вобласць, а там сувязь з ім перарвалася 14 студзеня. Мікалай Будзько знік у лістападзе 2023 года. Цяпер жа стала вядома, што абодва мужчыны жывыя.
Таксама ў сакавіку паведамлялася пра знікненне жыхара Добруша Алега Суганякі, яго таксама ўжо знайшлі. Астатніх усё яшчэ шукаюць.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?8
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары