Вайна1010

У Данецку знік камуніст з ЗША, які з 2014-га ваяваў на баку Расіі. Яго жонка кажа, што яго «выкралі рускія»

Расэл Бэнтлі быў у захапленні ад Пуціна і прыехаў ваяваць на баку Расіі. Аднак тыдзень таму яго брутальна затрымалі расійскія вайскоўцы, а пасля ён знік. 

Расэл Бонэр Бэнтлі III. Фота з ягонай старонкі «Укантакце»

Знікламу Бэнтлі па мянушцы «Тэхас» 63 гады. Расэл родам са штата Тэхас. Згодна з інфармацыяй з медыя, у маладосці ён тры гады праслужыў у амерыканскай арміі.

Мужчына паходзіць з заможнай сям'і, але ва ўзросце каля 30 гадоў разышоўся з блізкімі праз камуністычныя погляды. Таксама ў мінулым ён быў актывістам, які агітаваў за легалізацыю марыхуаны, якой гандляваў, за што атрымаў пяць гадоў турмы.

Пасля першага ўварвання Расіі ва Украіну, мужчына, натхнёны камуністычнай агітацыяй пра «народныя рэспублікі» і «нацысцкую Украіну», паехаў у Данецк. Ён пачаў ваяваць у батальёне «Усход», якім кіраваў перабежчык з СБУ Аляксандр Хадакоўскі. Удзельнічаў у баях за Данецкі аэрапорт.

Расэл Бэнтлі (крайні з правага боку) падчас баёў за Данецкі аэрапорт. Фота з ягонай старонцы «Укантакце»

Атрымаў ён і шэраг узнагародаў. А таксама памяняў грамадзянства ЗША на грамадзянства «ДНР».

Бэнтлі — «ястраб» вайны, які агітуе за тое, што з Украінай нельга весці перамовы, а Кіеў трэба захапіць ваенным шляхам. Ён агітаваў за ўварванне ва Украіну яшчэ да 24 лютага 2024-га. Таксама Расэл зацята хваліць Пуціна, Прыгожына і Лукашэнку.

Дыфірамбы 

Беларусь ён агітуе трымацца Расіі.

Радасць ад «яднання Беларусі і Расіі». Скрыншот са старонкі «Тэхаса» ва «Укантакце»

Праўда, не з усім у палітыцы РФ ён згодны. Напрыклад, ён крытыкаваў улады за абавязковую вакцынацыю ад кавіда, а ў смерці Прыгожына абвінаваціў «здраднікаў унутры Расіі».

Расэл у сваіх допісах крытыкуе ўсіх, акрамя Пуціна. Нагадаем, што Пуцін так і не «адшукаў» забойцаў Прыгожына. Скрыншоты з ягонай старонкі «Укантакце»

Пад час чарговага «прылёту» па Данецку 8 красавіка ён паехаў паглядзець на яго наступствы. І знік. Спачатку было незразумела, што адбылося.

Але жонка мужчыны высветліла абставіны знікнення. Выявілася, што яго брутальна затрымалі расійскія вайскоўцы з 5-й асобнай гвардзейскай танкавай брыгады, разбіўшы яму машыну.

Спачатку жонцы сказалі, што ён «здымаў тэхніку для УСУ», але тыя, з кім раней ваяваў Расэл, адшукалі ягоны тэлефон і высветлілі, што ён у гэты дзень нічога не здымаў. 

Расэла Бэнтлі з таго часу ніхто не бачыў.

Расэл Бэнтлі прымае грамадзянства «ДНР». Фота з ягонай старонкі «Укантакце»

Паведамленне пра яго затрыманне з'явілася ў тэлеграм-канале «Чорная кніга капіталізма». Там пішацца, што «Тэхас быў апазіцыянерам, крытыкаваў Адзіную Расію і кіроўную сістэму». Згодна з допісам, Расэл быў

«нязгодны з уладамі за запозненае прызнанне т. зв. ЛДНР, распыленне геаграфіі, мэтаў і сродкаў так званай СВА ў імперыялістычных інтарэсах буйнога капітала і для задавальнення вялікадзяржаўніцкіх амбіцыяў элітаў».

Аўтары допісу мяркуюць, што затрыманне магло стаць помстай за нязручную пазіцыю і «камунізм».

«Наша Нiва» — бастыён беларушчыны

ПАДТРЫМАЦЬ

Каментары10

  • Хирург
    18.04.2024
    Отличный пример того, как пропаганда рузкого мира опасна для вашего здоровья. Будьте бдительны!
  • бабруйчанін
    18.04.2024
    Пасля 14 са ўсяго свету розныя вар'яты ехалі да мясцовых " чмо гевар" прыяднаццаСпачатку паміж сабой катоўскія мішкі япончікі махны памж сабой сварылісь ..Пасля кгбфсб як і 100 гадоў таму паскорыла працес " пасмертнай хера ізацыі" ..Толькі ушлы хадакоўскі былы сбушнік альфавец украінскі здраднік трымаецца ..Гэта натуральнае на падсвядомасці )))
  • А што здарылася?
    18.04.2024
    Ясі на здароўе, камуняка.

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Усе навіны →
Усе навіны

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

У Беларусі зноў пастрожылі палітычны фільтр для экскурсаводаў. Што змянілася ў правілах атэстацыі?2

«Знаходзіцца ў знясіленым стане». Вернікі даведаліся падрабязнасці пра зняволенага ксяндза Анджэя Юхневіча

У якіх раёнах Беларусі найніжэйшыя заробкі?

Ураган ударыў па выставе МУС у цэнтры Віцебска — вецер раскідаў намёты ВІДЭА4

больш чытаных навін
больш лайканых навін

У Мінску на людзей, якія вярталіся з пляжу, упала дрэва, загінула дзяўчына

У Мінску на людзей, якія вярталіся з пляжу, упала дрэва, загінула дзяўчына

Галоўнае
Усе навіны →